Internet Protocol

Internet Protocol (IP)

Familia:	Familia de protocolos d'Internet
Función:	Unviu de paquetes de datos tanto a nivel llocal como a traviés de redes.
Allugamientu na pila de protocolos Aplicación http, ftp, ... Tresporte TCP, UDP, ... Rede IP
Estándares:	RFC 791 (1981) RFC 2460 (IPv6, 1998)

Internet Protocol (n'asturianu Protocolu d'Internet) o IP ye un protocolu non orientáu a conexón, usáu tanto pol orixe como pol destín pa la comunicación de datos, a traviés d'una rede de paquetes conmutaos non fiable y de meyor entrega posible ensin garantíes.

Los datos nuna rede basada n'IP únviense en bloques conocíos como paquetes o datagrames (nel protocolu IP estos términos avecen a usase indistintamente). En particular, n'IP nun se precisa denguna configuración enantes de qu'un equipu intente unviar paquetes a otru col que nun se comunicó enantes.