Djinre (croejhete)
Li djinre des mots, c' est on rmetaedje di sacwants sôres di mots (nos, pronos, addjectifs, årtike) å seke des biesses et des plantes, soeye-t i omrin, soeye-t i femrin.
E sacwants lingaedjes (flamind, inglès, almand), gn a eto on troejhinme djinre, li neute.
E walon, sacwant sustantifs polèt aveur les deus djinres; on les lome : nos bikebok.
Li djinre des mots e walon n' est nén si veyåve d' e francès, ca l' definixhant årtike est l' minme po les deus djinres ("li" u "el"). Portant, dins les accints do walon, li Basse Årdene a èn årtike femrin ("la").
Li djinre des mots e walon est sovint l' minme k' e francès. Portant, gn a des foû-rîles.
Les mots ki candjnut e djinre candjnut sovint ossu e nombe.
Sacwants mots kel djinre e walon est diferin do francès[candjî | candjî l' côde wiki]
Å pus sovint, les mots foû-rîle sont omrins e francès et femrins e walon.
- ådje
- air
- avion, areyoplane
- blé
- bouboune
- cimintire
- cope
- coviete
- eplåsse
- laecete
- påter
- petrole
- tchene
- toubak
- usteye
Pacô, les mots sont omrins e walon et femrins e francès.
