Kedhokteran

Teken Aesculapius, simbul umum sing nglambangaké kedhokteran.

Kedhokteran (Inggris: medicine) iku sawijining èlmu lan seni sing nyinaoni panyakit lan cara-cara ngobati. Èlmu kedhokteran iku cabang èlmu kasehatan sing nyinaoni cara njaga kasehatan manungsa lan mbalèkaké manungsa marang kahanan sehat kanthi mènèhi pangobatan marang panyakit lan cidera. Èlmu iki nyakup kawruh ngenani sistem awak manungsa lan panyakit sarta pangobatané, lan panerapan saka kawruh kasebut.

Cawang èlmu kedhokteran

Profesi kedhokteran dituntut supaya mènèhi palayanan kasehatan sing paling apik, apamanèh saiki cakupan èlmu wis tuwuh ngrembaka. Èlmu kedhokteran untu lan psikologi, senadyan kerep dipisahaké saka kedhokteran umum, tetep dadi bagéan saka èlmu kedhokteran.

Dhokter bisa nduwèni kamampuan spesialisasi (wis nglakoni pendhidhikan lanjut pasca sarjana) lan subspesialisasi sing disebut minangka dhokter spesialis. Pranatan spesialiasi lan gelaré béda-béda ing saben negara.

Spesialiasi diagnostik

• Laboratorium klinik iku layanan diagnostik klinis sing mengaplikasikan teknik laboratorium kanggo gawé diagnosis lan manajemen pasien. Ing Amérika Sarékat, layanan iki dumunung ana ing sangisoré pangawasan seorang patologis (ahli patologi). Wong sing bisa nyambutgawé ing babagan iki yakuwi staf sing paham ngenani teknologi kedhokteran, ing Indonesia Laboratorium patologi iki ana 2 :

1. Patologi klinik
2. Patologi anatomi

• Radhiologi konsèntrasi marang pencitraan utawa panggambaran awak manungsa, umpamané nganggo sarana sinar-X, CT-scan, USG (ultrasonografi), tomografi resonansi magnetik nuklir.

Disiplin èlmu pre-klinis

• Anatomi iku èlmu sing nyinanoni struktur lan organisasi awak manungsa
• Fisiologi iku èlmu sing nyinaoni fungsi manéka organ lan sistem organ sarta interaksiné jroning awak manungsa
• Biokimia iku èlmu sing nyinanoni proses-proses kimia sing dumadi jroning awak manungsa
• Histologi iku èlmu sing nyinanoni struktur mikroskopik lan fungsi jaringan pembentuk lan panyusun organ lan sistem organ jroning awak manungsa
• Farmakologi iku èlmu sing nyinanoni obat-obatan, interaksi dan efeké marang awak manungsa
• Patologi anatomi iku èlmu sing nyinanoni kelainan struktur mikroskopik lan makroskopik manéka organ lan jaringan sing disebabaké panyakit utawa proses lainnya
• Patologi klinik iku èlmu sing nyinanoni kelainan sing dumadi jroning manéka fungsi organ utawa sistem organ
• Parasitologi iku èlmu sing nyinanoni panyakit-panyakit sing disebabaké parasit
• Mikrobiologi iku èlmu sing nyinanoni panyakit-panyakit sing disebabaké mikroba

Disiplin èlmu klinis

• Anestesiologi iku disiplin èlmu sing nyinaoni panggunaan anestesi.
• Dermatologi iku èlmu sing nyinaoni kulit lan panyakité. Ing Inggris, dermatologi iku subspesialis saka kedhokteran umum. Ing Indonesia, spesialisasi iki digabungaké karo èlmu panyakit kelamin. Dokter kanthi spesialisasi iki diwènèhi gelar SpKK (Spesialisasi Kulit lan Kelamin).
• Kedharuratan mèdhis iku èlmu sing musataké marang diagnosis lan parawatan saka panyakit akut kaya trauma. Èlmu iki uga magepokan karo èlmu bedhah, pediatri, lan liyané.
• Kedhokteran umum utawa kedhokteran kulawarga nangani pitulung pisanan kanggo pasien kanthi masalah darurat, mantau lan mbina pasien kanthi masalah kronis. Dokter kulawarga biasané bisa nangani 90% saka masalah kasehatan kulawarga (anak, diwasa, manula pria lan wanita) tanpa kudu ngarujuk menyang dhokter spesialis, masalah akut lan kronis( panyakit njaba (kulit , THT, mata lll), lan panyakit jero (jantung, paru lll)). Ing Amérika Sarékat, dhokter sing kagolong generalis nyakup, pediatri: masalah bocah, internis(ahli Panyakit njero): diwasa, Family physician (Dokter kulawarga): kanggo kabèh golongan umur.
• Èlmu panyakit njero munjer marang masalah panyakit sistemik utamané ing pasien diwasa kaya masalah panyakit sing bis ngrusak awak sakabèhané. Èlmu iki akèh nurunaké subspesialis: (Ora kabèh spesialisasi iki ana ing Indonesia, pirsani artikel dhokter spesialis)
  • Endokrinologi
  • Gastroenterologi
  • Hematologi
  • Kardiologi
  • Kedhokteran perawatan intensif
  • Nefrologi
  • Onkologi
  • Panyakit infeksi
  • Pulmonologi
  • Rheumatologi
• Neurologi iku èlmu sing nyinaoni panyakit saraf. Ing Inggris, spesialisasi iki ana ing sangisoré kedhokteran umum.
• Obstetrik lan ginekologi (ing kalangan dokter kerep dicekak obsgin). Jroning basa Indonesia disebut èlmu kabidanan lan panyakit kandhungan. Masalah obat reprodhuksi lan obat kasuburan sacara umum ditangani déning spesialis ginekologi.
• Perawatan panenangan pasien iku cabang anyar saka èlmu kedhokteran sing nangani perawatan lan pawèwèh dhukungan emosional pasien kanthi panyakit sing parah kaya kanker lan gagal jantung.
• Pediatri iku èlmu sing nyinaoni masalah panyakit ing bayi lan bocah. Kayadéné ing èlmu panyakit jero, disiplin iki nduwèni akèh subspesialis kaya babagan kardiologi, endokrinologi, gastroenterologi, hematologi, onkologi, oftalmologi, lan neonatologi.
• Kuping Irung Tenggorok Bedhah Sirah Gulu (THT-KL): èlmu kedhokteran sing nyinaoni kasehatan kuping, pangrungu, kaseimbangan, irung, pernafasan, tenggorok, kelainan swara, gangguan nelan, lan anané tumor ing dhaerah gulu lan rai.
• Kedhokteran rehabilitasi mèdhis utawa disebut uga fisiatri nyinaoni perbaikan fungsional awak saka cidera utawa kelainan kongenital.
• Kedhokteran preventif iku cabang saka èlmu kedhokteran sing munjer marang pancegahan panyakit.
• Psikiatri utawa èlmu kedhokteran jiwa.
• Terapi radhiasi musataké marang panggunaan radhiasi kanggo terapi.
• Radhiologi nyinaoni interpretasi saka pencitraan mèdhis saka manéka medhia kaya sinar X. Ing Indonesia, dhokter kanthi spesialiasi radhiologi diwènèhi gelar SpRad.
• Spesialisasi bedhah nyinaoni èlmu bedhah. Èlmu iki nduwèni cawang spesialisasi kaya bedhah ortopedik, bedhah urologi, bedhah saraf lsp.
• Èlmu kedhokteran miturut gènder, nyinaoni sisi prabédan biologi lan fisiologi saka jinis kelamin lan pengaruhé marang panyakit.

Cakupan antardisiplin

Èlmu kedhokteran uga mrèmbèt menyang bidang liya. sawetara bidhang durung dikenal ing Indonesia.

• Bioetika iku sawijining èlmu sing nyinaoni hubungan biologi, sains, kasehatan, etika, filsafat, lan teologi.
• Farmakologi klinis nyinaoni hubungan interaksi antara obat lan awak pasien.
• Informatika kedhokteran ngubungaké donya kedhokteran karo donya teknologi informasi.
• Kedhokteran dirgantara nyinaoni kasehatan sing magepokan karo panerbangan lan lelungan liwat udhara.
• Kedhokteran evolusioner iku èlmu kedhokteran sing dikaitaké karo teori evolusi.
• Kedhokteran forensik nyinaoni èlmu kedhokteran sing magepokan karo masalah hukum kaya nemtokaké wektu lan panyebab matiné sawenèh wong jroning kasus kriminal.
• Kedhokteran konservasi iku èlmu sing magepokan karo kasehatan manungsa lan kewan sarta kondhisi lingkungan. Disebut uga minangka kedhokteran ekologis utawa kedhokteran lingkungan.
• Kedhokteran olahraga nangani kasehatan para olahragawan.
• Kedhokteran selam mbahas bab sing magepokan masalah kasehatan jroning panyileman.
• Nosologi iku bagian pengelompokan panyakit untuk tujuan tertentu.
• Teknik biomedis nyinaoni aplikasi prinsip teknis kanggo praktèk kedhokteran.

Pranala njaba

Wikimedia Commons gadhah galeri bab:

Kedokteran

• (id) Departemen Kesehatan RI
• (id) Ikatan Dokter Indonesia (IDI)
• (id) Ikatan Dokter Indonesia (IDI) (baru)
• (id) Konsil Kedokteran Indonesia / The Indonesian Medical Council dr Anis Sundari 19:56, 30 Agustus 2007 (UTC)
• (en) NLM (Situs Perpustakaan Nasional Departemen Kesehatan AS, berisi sumber referensi untuk dokter dan pasien)
• (en) Kamus Online Kedokteran
• (en) eMedicine Situs Artikel Kedokteran
• (en) New Media Medicine Forum diskusi untuk para dokter
• (en) PLoS Medicine Situs jurnal kedokteran