Azem Hajdari
Nga Wikipedia, Enciklopedia e Lirë
Azem Hajdari lindi më 11 mars 1963; vdiq më 12 shtator 1998, ishte një politikan shqiptar.
Tabela e përmbajtjeve |
[redakto] Veprimtaria politike
[redakto] Vrasja
Deputeti i Partisë Demokratike të Shqiprisë, Azem Hajdari, është ekzekutuar mbrëmjen e 12 shtatorit të vitit 1998 pak metra larg selisë blu. Grupi me origjinë tropojane, i organizuar për vrasjen e Hajdarit, të kryesuar nga Fatmir Haklaj u gjend në Tiranë më datë 10 shtator, 1998.
Për dy ditë radhazi, grupi i përbërë nga Fatmir Haklaj, Jaho Mulosmani, Feriz Kërnaja, vëllezërit Ismet e Izet Haxhia e Naim Çangu, ka lëvizuar lirshëm në kryeqytet. Fatmir Haklaj, person në kërkim, nuk është arritur të ndalohet e njëkohësisht te zbulohet. Ky person, me ndihmën e shtetasve Fatmir Meta, ish- shefi i komisariatit të Tropojës, Astrit Muldaka, si dhe disa personave të tjerë, ka mundur që të gjejë materialet e nevojshme për të kryer vrasjen. Pasi ka siguruar gjithçka, Haklaj ka vënë në zbatim planin e tij.
Tre makina të pozicionuara në vende të ndryshme rreth selisë së Partise Demokratike /PD, kanë qenë gati për çdo të papritur të rastit. Pas dhënies së sinjalit nga Fatmir Haklaj, Izet Haxhia ka hyrë në selinë e PD dhe ka takuar Azem Hajdarin, duke e ftuar që të takonte një grup tropojanësh, që po e priste jashtë selisë. Deputeti, Hajdari në mirëbësim, ka dalë nga zyra e tij dhe iu ka drejtuar makinës. Pas kan dalë Besim Çera e Zenel Neza.
Ka qenë kohë e errët, për më tepër ka ndihmuar errësirën edhe koha e vrënjtur e me shi. Azem Hajdari është afruar makinës, targuar Vlora. Nga makina ka dalë fillimisht Fatmir Haklaj dhe më pas Jaho Mulosmani e Naim Çangu. Hajdari dhe ekzekutorët e tij kanë shkëmbyer disa batuta. Menjëherë pas kësaj Fatmir Haklaj ka nxjerrë automatikun e ka hapur zjarr në drejtim të Hajdarit dhe truprojave të tij. Të njëjtën gjë ka bërë edhe Jaho Mulosmani.
Si pasojë e të shtënave ka vdekur disa orë më pas deputeti Azem Hajdari. Njëkohesisht ka vdekur truproja Besim Çera, ndërsa Zenel Neza është plagosur rëndë. Plumbat e Haklajt kanë qëlluar pa dashje edhe mikun e tij Naim Çangun, i cili i dërguar disa orë më pas në spital nga Jano Mulosmani, e që nuk arriti të jetojë.
Më pas Haklaj i ka bërë thirrje bashkëpunëtorëve të tjerë që të largohen nga pozicionet e të drejtohen sërish për në Tropojë. Grupi i vrasësve ka arritur në Tropojë në orët e para të mëngjesit.
Të nesermen, me datë 13 shtator, Jaho Salihi duke folur nga zyra e tij sëbashku me shefin e rendit të Bajram Currit e me përfaqësuesit e Ministrisë së Rendit, mohon pjesemarrjen në vrasje.
Presidenti i Shqipërisë, Alfred Moisiu, në vitin 2002 dekoroi Azem Hajdarin me Urdhrin "Nderi i Kombit".
[redakto] Mirënjohjet
- Urdhrin "Nderi i Kombit" Shqipëri, 2002
- Medalja e Artë e Lidhjes së Prizrenit Kosovë
- Urdhri "Gjergj Kastrioti Skënderbeu"
[redakto] Shih edhe
[redakto] Lidhje të jashtme
- Azem Hajdari legjendë i gjallë, legjendë i vdekur
- Miti Hajdari dhe gjuetia e shtrigave
- If it bleeds, it leeds (Anglisht)
 |
Ky artikull nga Politika është një faqe cung. Mund të ndihmoni Wikipedian duke e përmirësuar. |
