Ċentru tat-Trasparenza

Sir af iktar dwar il-
politiki ta' Google

Sib politika ta' servizz

Fittex skont is-servizz jew
aqra l-politiki kollha
Irrapporta ksur

Ikseb id-dettalji u l-formoli
biex tirrapporta
Ifhem il-proċess tagħna

Sir af kif noħolqu l-politiki
ta' Google
Aqra dwar l-akkontabilità

Esplora kif ħadna impenn
favur it-trasparenza

Il-ħidma biex nilħqu l-għan tagħna li nwasslu informazzjoni siewja lil kulħadd tibda billi noffru servizzi siguri. Żur iċ-Ċentru tat-Trasparenza tagħna biex tifhem il-politiki li jħarsu lill-utenti mill-ħsara u l-abbuż u biex issib informazzjoni dwar kif noħolqu dawn il-politiki u niżguraw li l-utenti jimxu magħhom.

Naħdmu biex niżguraw is-sigurtà fuq l-internet

5.5B

reklami ħżiena mblukkati
Fl-2023, imblukkajna biljuni ta' reklami ħżiena fil-prodotti ta' Google biex nipproteġu lill-utenti minn scams.¹
17-il miljun

vidjo ta' YouTube mneħħija

Fit-tieni nofs tal-2023, tneħħew aktar minn

17-il miljun vidjow minħabba li kisru l-Linji

Gwida għall-Komunità tagħna.²
381 elf

Paġni moħbija mir-riżultati tat-tiftix
Fit-tieni nofs tal-2023 neħħejna 'l fuq minn 381,000 paġna mir-riżultati ta' Tiftix Google għax ġew irrappurtati bħala paġni b'materjal ta' abbuż sesswali fuq it-tfal (CSAM).³

Esplora r-Rapporti ta' Trasparenza

Il-Politiki ta' Google

Tliet persuni jadħmu flimkien fuq laptop, imdawra b'logos tas-servizzi ta' Google biex nuru l-ekosistema ta' Google.

Inżommu ekosistema diġitali ġenwina

Biljuni ta' persuni jużaw Google kuljum biex jiksbu informazzjoni ta' kwalità għolja u ta' min joqgħod fuqha fuq l-internet. Aħna nieħdu r-responsabbiltà tagħna li noffru prodotti u s-servizzi ta' kwalità u li nrawmu l-fiduċja fost l-utenti tagħna b'serjetà kbira. Ir-regoli tas-servizz, il-politiki tas-servizzi, il-politiki għall-iżviluppaturi u l-linji gwida għall-komunità qegħdin hemm biex jgħinuna nilħqu l-għan ewlieni tagħna li nżommu l-utenti siguri.

Collage ta' stampi li turi żewġt irġiel qed jaħdmu f'uffiċċju, ritratt mill-qrib ta' nies li qed jaħdmu fuq laptop u ikona ta' timijiet.

Timijiet għall-fiduċja u s-sigurtà

Aħna ninvestu f'riċerka u f'teknoloġija biex niksbu għarfien ikbar dwar kif il-prodotti u s-servizzi tagħna jistgħu jintużaw ħażin u biex nilqgħu għar-riskji li jistgħu jfeġġu. It-timijiet tagħna jaħdmu qatigħ biex joħolqu u jdaħħlu fis-seħħ politiki u standards imsejsa fuq id-dejta u li jistgħu jaddattaw għan-numru tal-utenti tas-servizzi tagħna. Dawn għandhom l-għan li jħarsu lill-utenti billi jiżguraw li l-prodotti u s-servizzi tagħna jintużaw b'mod responsabbli.

Nilqgħu kontra l-ħsara u l-abbuż fis-servizzi tagħna

Paġna web b'marka ta' kontroll ħadra meta mqabbla ma' paġna web b'X aħmar turi kif taħdem ir-regolamentazzjoni tal-politiki f'Google.

L-istabbiliment ta' regoli ċari
għall-prodotti tagħna

Biex nipproteġu lill-utenti tagħna, noħolqu politiki li jistabbilixxu liema tipi ta' kontenut u mġiba mhumiex aċċettabbli għal kull prodott jew servizz ta' Google.

Tieqa li tavża dwar ksur ta' politika u ikona tal-posta mhux mixtieqa b'arloġġ li juru kif Google iżżomm kont tal-ksur tal-politiki u tieħu azzjoni dwarhom mingħajr telf ta' żmien.

Nieħdu azzjoni kontra l-ksur tal-politiki

Il-politiki tas-servizz tagħna jispjegaw x'azzjonijiet nieħdu biex niżguraw li kulħadd jimxi mal-politiki tagħna. Aħna naħdmu bla qatigħ biex nifhmu x'theddid qed ifeġġ u nsewwu l-ksur ta' dawn il-politiki mingħajr telf ta' żmien.

Ħarsa minn wara l-kwinti lejn ix-xogħol tal-iżviluppatur fuq paġna web turi kif Google tiggwida lill-iżviluppaturi fil-bini ta’ prodotti u servizzi.

Kondiviżjoni ta' gwida mal-kreaturi u mal-iżviluppaturi

Fl-iżvilupp tal-politiki tagħna, naħdmu mill-qrib mal-esperti u mal-komunità globali tal-iżviluppaturi u l-kreaturi li jużaw prodotti bħal Google Play u YouTube biex jistabbilixxu rabta mal-udjenzi u jibnu n-negozji tagħhom.

Stabbiliment ta' fiduċja permezz tat-trasparenza

Fuq bażi regolari noħorġu informazzjoni dwar talbiet tal-gvern biex ineħħu kontenut, kif ukoll l-azzjonijiet li nieħdu biex nipproteġu lill-utenti u l-pjattaformi tagħna minn kontenut li jikser il-politiki jew il-liġijiet lokali tagħna. Aħna nemmnu li għandna nkunu miftuħa u trasparenti fejn jidħol ix-xogħol tagħna.

Il-firxa ta' oqsma tal-politiki tagħna

Politiki tas-servizzi

Sir af kif Google toħloq il-kundizzjonijiet, ir-regoli u l-linji gwida tagħha għall-utenti, l-iżviluppaturi u l-ħallieqa tal-kontenut skont is-servizz.

Skopri l-Politiki tas-servizzi
Privatezza, regoli u Intelliġenza Artifiċjali

Skopri kif Google tħares il-privatezza biex l-informazzjoni tiegħek tinżamm sigura u kif ir-Regoli tas-Servizz jgħinuk tifhem x'għandek tistenna.

Skopri Privatezza, regoli u Intelliġenza Artifiċjali

Impenn għal trasparenza

Skopri aktar dwar kif fuq bażi regolari noħorġu informazzjoni dwar talbiet tal-gvern biex ineħħu kontenut, kif ukoll l-azzjonijiet li nieħdu biex nipproteġu lill-utenti u l-pjattaformi tagħna minn kontenut li jikser il-politiki jew il-liġijiet lokali tagħna. Sir af ukoll kif ir-rakkomandazzjonijiet tal-kontenut jaħdmu fil-prodotti u s-servizzi ta' Google.

Esplora t-Trasparenza

Collage ta’ immaġnijiet turi idejn mara fuq laptop, ikona ta’ notifika ta’ ksur, u buttuna ta’ appell.

Għodod għal feedback dwar il-kontenut, għar-rapportar u għall-appelli

Sib għodod ta' għajnuna sabiex jiġi pprovdut feedback dwar kontenut, biex isir ir-rapportar u biex jiġu appellati ċerti azzjonijiet ta' infurzar. Sir af ukoll aktar dwar il-programmi tas-sħab tagħna ddedikati għall-ġlieda kontra l-ħsara fuq il-web.

Skopri l-Għodod u l-programmi

Il-mexxejja tagħna

Ta' kuljum għadd kbir ta' nies minn madwar id-dinja jużaw Google biex ifittxu l-internet għal informazzjoni ta' min joqgħod fuqha bi pjattaforma li jafdaw. Biex inħarsu lil dawn l-utenti fuq il-pjattaformi kollha tagħna, aħna ninvestu f'politiki dettaljati u naraw li kulħadd jimxi magħhom u naħdmu ma' entitajiet oħra fl-industrija, mal-gvernijiet u mas-soċjetà ċivili biex noħolqu internet iktar sigur.

LAURIE RICHARDSON, VIĊI PRESIDENT RESPONSABBLI MILL-FIDUĊJA U S-SIGURTÀ, GOOGLE

F'dinja fejn kulħadd jista' jtella' l-kontenut tiegħu u fejn il-pjattaformi soċjali jistgħu jxerdu dak il-kontenut ma' miljuni ta' persuni, it-tixrid ta' informazzjoni qarrieqa huwa problema kbira. L-għan tagħna ta' Google huwa li nwasslulek l-informazzjoni li trid u t-tweġibiet li teħtieġ bil-preċiżjoni li ħaqqek.

MATT BRITTIN, PRESIDENT TA' GOOGLE EMEA

L-għan tagħna huwa li ntejbu l-aċċess għall-informazzjoni ħalli kemm kull wieħed minna kif ukoll is-soċjetà tagħna jmorru għall-aħjar. Dan nagħmluh billi noħolqu politiki u standards imsejsa fuq id-dejta u li maż-żmien jistgħu jiġu adattati biex niżguraw li s-servizzi tagħna jintużaw b'mod responsabbli.

DAVID GRAFF, VIĊI PRESIDENT RESPONSABBLI MILL-POLITIKA U L-ISTANDARDS DINJIJA