ಬಂಗುಡೆ
ಬಂಗುಡೆ ⓘ ಉಂದೊಂಜಿ ಸಮುದ್ರೊಡು ಉಪ್ಪಿನ ಮೀನ್[೧]. ಉಂದೆಕ್ ಕನ್ನಡೊಡ್ ಬಂಗುಡೆ, ಇಂಗ್ಲಿಸ್ಡ್ ಮ್ಯಾಕೆರಲ್ ಪಂದ್ ಪನ್ಪೆರ್. ಉಂದು ಸಮುದ್ರದ ನೀರ್ಡ್ ಇಪ್ಪುಂಡು. ಉಂದು ಮಸ್ತ್ ಮಲ್ಲೆ ಆದ್ ಬುಲೆಪುಜಿ. ಎಚ್ಚ ಪಂಡ ಉಂದು 8 ಇಂಚ್ ಉದ್ದ ಬುಲೆವುಂಡು. ಬಂಗುಡೆ ನೀರ್ಡ್ ಬಾರಿ ರಬಸ್ಡ್ ಬಲಿಪುಂಡು. ಇಂದೆತ ಮೈ ಒಂತೆ ನೀಲಿ ಪಚ್ಚೆ ಬುಕ್ಕೊ ಎಚ್ಚ ಬೊಲ್ದು ಬಣ್ಣೊ.
ಪುದರುಲು
[ಸಂಪೊಲಿಪುಲೆ]- ತುಳು,ಕನ್ನಡ: ಬಂಗುಡೆ, ಬಂಗ್ಡೆ
- ಮರಾಠಿ,ಕೊಂಕಣಿ: ಬಾಂಗ್ಡಾ
- ಮಲಯಾಳಂ/ಬ್ಯಾರಿ ಬಾಸೆ: ಅಯಿಲ.
- ತಮಿಳು:ಕುಮುಲ; ಕನಾಂಗೆಲುತಿ
- ಇಂಗ್ಲಿಸ್: Indian Mackerel
- ವೈಜ್ಞಾನಿಕ ಪುದರ್:Rastrelliger kanagurta
ಬಂಗುಡೆದ ವಿದೊಕ್ಕುಲು
[ಸಂಪೊಲಿಪುಲೆ]ಬಂಗುಡೆ ಮೀನ್ದ ವಿದೊಟ್ 21 ಬಗೆಟ್ ಪ್ರಪಂಚೊದ ಬೇತೆ ಬೇತೆ ಬಾಗೊಲೆಡ್ ತೋಜಿದ್ ಬರ್ಪುಂಡು. ಮೀನ್ ತಜ್ಞೆರೆ ಪ್ರಕಾರ ಪ್ರಪಂಚದ ಬಂಗುಡೆಲು ಸ್ಕೊಂಬ್ರಿಡೆ (Scombridae) ಕುಟುಮೊದ ಸದಸ್ಯೆರಾದಿತ್ತ್ದ್ ಮುಕ್ಯವಾದ್ ರಡ್ಡ್ ವೈಜ್ಞಾನಿಕ ಜಾತಿ(genus)ಲೆಗ್ ಸೇರ್ದೊ. ರಾಶ್ಟ್ರೆಲ್ಲಿಗೆರ್ (Rastrelliger ) ಬುಕ್ಕೊ ಸ್ಕೊಂಬರ್ ( Scomber) ಪನ್ಪುನ ರಡ್ಡ್ ಜಾತಿಲು. ನಮ್ಮ ದೇಸೊಡ್ ತಿಕ್ಕುನ ಬಂಗುಡೆಗ್ "ಇಂಡಿಯನ್ ಮೆಕರೆಲ್" Indian Mackeral ಪನ್ಪುನ ಪುದರುಂಡು. ಇಂದೆತ ವೈಜ್ಞಾನಿಕ ಪುದರ್ ರಾಶ್ಟ್ರೆಲ್ಲಿಗೆರ್ ಕನಾಗುರ್ತ.(Rastrelliger kanagurta).
ನಮ್ಮ ಕರಾವಳಿದ ಕಡಲುಡು ತಿಕ್ಕುನ ಬಂಗುಡೆ ಬುಕ್ಕೊ ಬಂಗುಡೆದಂಚಿನ ಸುರುವಾಯಿನ್ ವ್ಯತ್ಯಾಸೊ ಗುರ್ತೊ ಮಲ್ಪುವೆರ್[೨].
- ಬಂಗುಡೆ
- ನುರುವಾಯಿ ಬಂಗುಡೆ/ನುರೆ ಬಂಗುಡೆ
ಬಂಗುಡೆಡ್ ಆಹಾರಾಂಶೊ
[ಸಂಪೊಲಿಪುಲೆ]ಬಂಗುಡೆ ಮೀನ್ಡ್ ಸರಾಸರಿ 13% ಮೇದಸ್ (Fat), 18% ಪ್ರೋಟೀನ್ ಅತ್ತಾಂದೆ ಜೀವಸತ್ವೊಲು ಎ ಬುಕ್ಕೊ ಡಿ ಅಂಚನೆ ಖನಿಜೊ ಸತ್ವೊಲು ಕೇಲ್ಸಿಯಂ, ರಂಜಕ, ಪೊಟಾಸಿಯಂ, ಸೋಡಿಯಂ, ಮೆಗ್ನೇಶಿಯಂ ಕರ್ಬೊ ಬುಕ್ಕೊ ಸತು ತಿಕ್ಕುಂಡು. ಸುಮಾರ್ 63% ದಾತ್ ನೀರ್ಲಾ ಉಪ್ಪುಂಡು.
ಬಂಗುಡೆಡ್ ಮಲ್ಪು ಅಟಿಲ್
[ಸಂಪೊಲಿಪುಲೆ]- ಬಂಗುಡೆ ಗಸಿ
- ಬಂಗುಡೆ ಸಾರ್
- ಬಂಗುಡೆ ಪುಳಿ ಮುಂಚಿ
- ಬಂಗುಡೆ ಕೈತಿನ
- ಬಂಗುಡೆ ತವ
- ಬಂಗುಡೆ ನೆಕೆಡ್ ಪ್ರೈ
- ಫಿಸ್ ಬಿರಿಯಾನಿ
- ಉಲ್ಂಗೆಲ್ ಬಂಗುಡೆ ಸಾರ್
- ಸೂಟ್ ಪಾಡ್ನ ಉಲ್ಂಗೆಲ್ ಬಂಗುಡೆ
ಉಂದೆನ್ಲಾ ತೂಲೆ
[ಸಂಪೊಲಿಪುಲೆ]ಉಲ್ಲೇಕೊಲು
[ಸಂಪೊಲಿಪುಲೆ]- ↑ "Mackerel recipes". BBC Good Food (in ಇಂಗ್ಲಿಷ್). Retrieved 3 October 2023.
- ↑ "ಬಂಗುಡೆ ಮೀನು ಎಷ್ಟು ರುಚಿಯಿದೆಯೋ, ಆರೋಗ್ಯಕ್ಕೆ ಅಷ್ಟೇ ಒಳ್ಳೆಯದು..." Vijay Karnataka (in ಕನ್ನಡ). Retrieved 3 October 2023.