iOS 26
iOS 18
اس کنٹرول میں ترمیم کرنے سے یہ صفحہ آٹومیٹک طریقے سے اپڈیٹ ہو جائے گا

‏iPhone کی اسکرین پر زوم اِن کرنا

بہت سے ایپ میں آپ مخصوص آئٹم پر زوم اِن یا آؤٹ کر سکتے ہیں۔ مثال کے طور پر آپ “تصویر” میں نزدیک سے دیکھنے کے لیے دو بار ٹیپ یا پِنچ کر سکتے ہیں یا Safari میں ویب صفحے کے کالم کو بڑھا سکتے ہیں۔ آپ چاہے کچھ بھی کر رہے ہوں آپ اسکرین کو میگنیفائی کرنے کے لیے زوم فیچر کا بھی استعمال کر سکتے ہیں۔ آپ پوری اسکرین کو میگنیفائی کر سکتے ہیں (فُل اسکرین زوم) یا سائز تبدیل کیے جا سکنے والے لینس کے ساتھ اسکرین کے صرف ایک حصے کو میگنیفائی کر سکتے ہیں (ونڈو زوم)۔ اور، آپ VoiceOver کے ساتھ زوم کا استعمال کر سکتے ہیں۔

‏iPhone جس میں ہوم اسکرین دکھائی دے رہی ہے او ساتھ ہی اسکرین کے ایک حصے پر زوم کی گئی ونڈو ہے۔

زوم سیٹ اَپ کرنا

  1. سیٹنگ  > رسائیت > زوم پر جائیں، پھر “زوم” کو چالو کریں۔

  2. درج ذیل میں سے کسی کو ایڈجسٹ کریں:

    • فوکس کو فالو کریں: اپنے انتخابات، متن کے انسرشن پوائنٹ اور اپنی ٹائپنگ کو ٹریک کریں۔

    • اسمارٹ ٹائپنگ: کی بورڈ ظاہر ہونے پر ونڈو زوم پر سوئچ کریں۔

    • کی بورڈ شارٹ کٹ: خارجی کی بورڈ پر شارٹ کٹ کا استعمال کر کے زوم کو کنٹرول کریں۔

    • زوم کنٹرولر: کنٹرولر چالو کریں، کنٹرولر کے ایکشن سیٹ کریں اور رنگ اور عدم شفافیت ایڈجسٹ کریں۔

    • زوم خطہ: فُل اسکرین زوم یا ونڈو زوم منتخب کریں۔

    • زوم فلٹر: “کوئی نہیں”، “انورٹیڈ”، “گرے اسکیل”، “گرے اسکیل انورٹیڈ” یا “کم روشنی” کا انتخاب کریں۔

    • زیادہ سے زیادہ زوم کی سطح: سطح ایڈجسٹ کرنے کے لیے سلائڈر کو ڈریگ کریں۔

  3. اگر آپ پوائنٹر ڈیوائس کے ساتھ iPhone کا استعمال کرتے ہیں، تو آپ “پوائنٹر کنٹرول” کے نیچے درج ذیل کو بھی سیٹ کر سکتے ہیں:

    • زوم پین: پوائنٹر کے ساتھ اسکرین امیج کا حرکت کرنے کا طریقہ سیٹ کرنے کے لیے “مسلسل”، “مرکوز” یا “کنارے” منتخب کریں۔

    • زوم کے ساتھ سائز ایڈجسٹ کریں: پوائنٹر کو زوم کے ذریعے اسکیل کرنے کی اجازت دیں۔

  4. زوم کو رسائیت کے شارٹ کٹ میں شامل کرنے کے لیے سیٹنگ > رسائیت > رسائیت شارٹ کٹ پر جائیں، پھر “زوم” پر ٹیپ کریں۔

زوم کا استعمال کرنا

  1. تین انگلیوں سے اسکرین پر دو بار ٹیپ کریں یا زوم چالو کرنے کے لیے رسائیت شارٹ کٹ کا استعمال کریں۔

  2. اسکرین کا مزید حصہ دیکھنے کے لیے ذیل میں سے کوئی کام کریں:

    • میگنیفیکیشن ایڈجسٹ کریں: تین انگلیوں سے اسکرین پر دو بار ٹیپ کریں (دوسرے ٹیپ کے بعد اپنی انگلیاں اٹھائے بغیر)، پھر اوپر یا نیچے ڈریگ کریں۔ یا تین انگلیوں سے تین بار ٹیپ کریں، پھر “زوم لیول” سلائڈر کو ڈریگ کریں۔

    • زوم لینس منتقل کریں: (ونڈو زوم) زوم لینس کے نچلے حصے میں موجود ہینڈل کو ڈریگ کریں۔

    • دوسرے ایریا پر پین کریں: (فُل اسکرین زوم) تین انگلیوں سے اسکرین کو ڈریگ کریں۔

  3. “زوم” مینو کے ساتھ سیٹنگ کو ایڈجسٹ کرنے کے لیے تین انگلیوں سے تین بار ٹیپ کریں، پھر ذیل میں سے کسی کو ایڈجسٹ کریں:

    • خطہ منتخب کریں: فُل اسکرین زوم یا ونڈو زوم منتخب کریں۔

    • لینس کا سائز تبدیل کریں: (ونڈو زوم) “لینس کا سائز تبدیل کریں” پر ٹیپ کریں، پھر ظاہر ہونے والے کسی بھی گول ہینڈل کو ڈریگ کریں۔

    • فلٹر منتخب کریں: “انورٹیڈ”، “گرے اسکیل”، “گرے اسکیل انورٹیڈ” یا “کم روشنی” کا انتخاب کریں۔

    • کنٹرولر دکھائیں: زوم کنٹرولر دکھائیں۔

  4. “زوم کنٹرولر” کا استعمال کرنے کے لیے ذیل میں سے کوئی کام کریں:

    • زوم مینو دکھائیں: کنٹرولر پر ٹیپ کریں۔

    • زوم اِن یا آؤٹ کریں: کنٹرولر پر دو بار ٹیپ کریں۔

    • پین کریں: زوم اِن کرنے پر کنٹرولر کو ڈریگ کریں۔

‏Magic Keyboard کے ساتھ زوم کا استعمال کرتے وقت زوم خطہ انسرشن پوائنٹ کو اسکرین کے وسط میں رکھتے ہوئے اسے فالو کرتا ہے۔ دیکھیں ‏iPhone کے ساتھ Magic Keyboard کو پیئر کرنا۔

زوم بند کرنے کے لیے تین انگلیوں سے اسکرین پر دو بار ٹیپ کریں یا رسائیت شارٹ کٹ کا استعمال کریں۔

یہ بھی دیکھیں‏iPhone کے ڈسپلے اور متن کی سیٹنگ کو ایڈجسٹ کرنا‏iPhone پر موجود میگنیفائر سے اپنے ارد گرد کی چیزوں کو بڑا کرنا یا بیان کرنا‏iPhone پر بصارت کے لیے رسائیت کے فیچر
Morty Proxy This is a proxified and sanitized view of the page, visit original site.
مددگار؟
حروف کی حد: 250
حروف کی زیادہ سے زیادہ حد 250 ہے۔
آپ کے تاثرات کا شکریہ۔
Morty Proxy This is a proxified and sanitized view of the page, visit original site.