Niger
| Republika di Niger | |
|---|---|
| Jamhuriyar Nijar (hausa) | |
  | |
 | |
| Atministrashon | |
| Kapital | Niamey |
| Stat mas grandi | Niamey |
| Idioma ofisial | Hausa |
| Gobernashon | Repúblika semi-presidenshal |
| Presidente | Abdourahamane Tchiani (desde 7 aprèl 2021) |
| Independensia | |
| proklamashon di repúblika | 18 di desèmber 1958 |
| Geografia | |
| Área | 1.267.000 kilometer kuadra |
| Koordinato | 17°N 10°E / 17°N 10°E |
| Poblashon | |
| Populashon (2017) |
21.477.348 16.95 habitante/km² |
| HDI | 0,400 (2021) |
| Otro infromashon | |
| Unidat monetario | West African CFA franc (XOF) |
| Zona di tempu | UTC+1 |
| Wèp | .ne |
| Kódigo | NER |
| Tel | +227 |
| Mapa detaya di Niger | |
 | |
Imágennan riba  Wikimedia Commons | |
| [Editá Wikidata] · [Manual] |
Niger, ofisialmente Repúblika di Niger, ta un pais sin salida pa laman situá den West Afrika. Su kapital i siudat prinsipal, Niamey, ta lokalisá kanto di Rìu Niger, den region sùitwèst di e pais.
Geografia
[editá | editá fuente]Niger tin un superfisie di aproksimadamente 1.27 mion kilometer kuadrá, loke ta klasifik'é entre e paisnan mas grandi di Afrika. Sinembargo, gran parti di su teritorio ta keda den e desierto di Sahara, i na e parti nort di e pais e klima ta hopi kayente i árido. Pasùit, kaminda mas ku 80% di e poblashon ta biba, e klima ta semi-árido. Aki, den e region di Sahel, tin un temporada kortiku di awaseru ku ta permití agrikultura na un nivel limitá.
Demografia
[editá | editá fuente]Niger ta un di e paisnan ku e nivel di kresemento di poblashon mas haltu a mundu. Den 2024 e poblashon a yega serka di 26 mion hende. E pais tin un poblashon hopi hoben; mas ku 50% di su habitantenan ta menor di 15 aña. Gruponan étniko prinsipal ta Hausa, Zarma-Songhai, Tuareg, Fulani, i Kanuri. Franses ta e idioma ofisial, pero idiomanan lokal manera Hausa, Zarma, Tamajaq i Kanuri ta hopi usá den bida diario.
Ekonomia i desaroyo
[editá | editá fuente]Ekonómikamente, Niger ta skor entre e paisnan mas pober na mundu, ku un PIB pa kapita i un índise di desaroyo humano (HDI) hopi abou. Su ekonomia ta depende prinsipalmente di agrikultura di supsistensia, kria di bestia, i industria minero di uranio — un di su eksportashonnan prinsipal. Ounke e pais tin rekurso natural, e no a logra transformá esaki den prosperidat generalisá. Niger ta dependé hopi di yudansa internashonal i remitidonan pa sostené su ekonomia.
Pafó di Niamey, hopi region ta enfrentá problema serio pa falta di infrastruktura, inkluso falta di skol, kuido mediko, awa limpi, i infrastruktura di kaminda. Inseguridat di kuminda ta un problema repetitivo, spesialmente durante temp'i sekura den e zona di Sahel. Varios organisashon internashonal ta traha na e pais pa mehora e situashon i duna asistensia na komunidatnan rural.
Gobièrnu
[editá | editá fuente]Niger ta un repúblika presidensial, unda e presidente ta hefe di estado i hefe di gobièrnu. E sistema legislativo ta konsistí di un parlamento unikamaral. Ounke e pais a introdusí strukturanan demokrátiko for di 1999, Niger a pasá dor di varios golpi di estado militar, inkluso den 2010 i mas resientemente den 2023. Aktualmente, e pais ta wòrdu guiá pa un gobièrnu transitorio, ku ta preparando pa elekshon nobo.
· 
· 
