Derechi di Importashon
| Supkategoria di | rate, trade restriction, levy  |
|---|---|
| Parti di | commercial policy, trade war |
| Used by | protectionism |
Derechi di importashon ta un impuesto ku ta wòrdu imponé riba produktonan ku ta drenta (i den sierto kaso sali for di) un pais. E impuesto aki por sirbi komo protekshon pa e merkado lokal, komo un fuente fiskal pa gobièrnu, i den hopi situashon tambe tin un karakter polítiko.
Altura di e impuesto
[editá | editá fuente]E tarifa di derechi di importashon ta variá segun:
- e tipo di produkto,
- e pais di orígen,
- e kondishonnan di algun tratado komèrsial, manera un Tratado di Komèrsio Liber (FTA).
Mayoritariamente e impuesto ta wòrdu kobrá komo un porsentahe riba e balor duanal di e merkansía. Duana ta determiná e balor aki, ku regularmente ta konsistí di:
- balor di faktura di e provedor
- gastu di transporte (flete)
- kostonan di seguro
E kombinashon di esaki ta yamá CIF value (Cost, Insurance & Freight).
Tur produkto ku por wòrdu importá tin un kódigo armonisá den un sistema internashonal di klasifikashon di merkansia. Na Oropa, e kódigo standard ta wòrdu yamá TARIC, unda e promé númeronan ta meskos pa tur pais oropeo, pero ku supdivishonnan lokal pa determiná e tarifa presis.
Kobransa di derechi di importashon
[editá | editá fuente]Duana ta responsabel pa e kobransa di e impuesto. E impuesto ta wòrdu imponé na mesun momentu ku e produkto drenta e país, i antes ku importadó por tuma poseshon di e merkansia.
Importadó por ta un empresa òf un persona partikular. Duana no ta hasi diferensia den e obligashon di paga: tur importadó ta someté na mesun regla. E impuesto ku a wòrdu pagá no ta wòrdu debolbí (no tin restitushon), i duana ta transferí e entrada fiskal na Ministerio di Finansa.
Efektonan di derechi di importashon
[editá | editá fuente]Derechi di importashon por tin hopi efekto den un ekonomía. Normalmente por distinguí minimo tres funkshon òf konsekuensia esensial:
- Inflashon: e impuesto riba importashon ta hasi ku produktonan ku ta drenta un pais bira mas karu; konsekuentemente preis di konsumo ta subi i demanda por baha.
- Protekshon: derechi di importashon ta sirbi komo un muro di protekshon pa e industria lokal di un pais. Produktonan lokal ta bira komparabelmente mas barato ku esun importá i ta eliminá òf diminuí kompetensia for di produkto stranhero. Sinembargo, si e industria lokal no ta kompetitivo, no ta tur biaha ku un impuesto ta duna sufisiente protekshon.
- Fiskal: pa hopi país, derechi di importashon ta un fuente importante di entrada pa gobiernu.
E entrada den kaha di e pais ta kontribuí na gasto públiko i invershonnan nashonal i ta sostené servisio públiko.