Anouk Eman
E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
Wak Eman (pagina di referencia) pa un otro nificacion di topico.| Anouk Stephanie Helen Eman | |
|---|---|
| Imagen desea: Anouk Eman | |
| Informacion basico | |
| Nacemento | 4 di april 1992 Oranjestad |
| Educacion | |
| Estudio | Psicologia |
| Informacion profesional | |
| Ofishi | modelo, reina di beyesa |
| Deporte | |
| Deporte | Landamento sincronisa |
| Nacionalidad deportivo |  Aruba |
| Disciplina deportivo |
Duet |
| Club deportivo | Barracudas |
| Informacion di resistencia | |
| Pais | Aruba |
| Fisico | |
| Haltura (cm) | 168 |
| Color di cabey | bruin |
| Color di wowo | blauw |
| Otro informacion | |
| Participante na | Miss Universe 2024 |
| (en) IMDb-profiel | |
| [Edita Wikidata] · [Manual] |
Anouk Stephanie Helen Eman (☆ 4 di april 1992 na Oranjestad) ta un landado sincronisa, modelo y reina di beyesa di Aruba cu na 2024 a titula Miss Aruba y clasifica den e top 30 finalista di e certamen Miss Universo 2024.[1]
Biografia
[editá | editá fuente]Anouk Eman a nace dia 4 di april 1992 na Oranjestad. For di e edad hoben di 10 aña el a cuminsa landa y tabata train landamento artistico cu e club Barracudas. For di e tempo ey el a competí den deporte di landamento sincronisa nacional y internacionalmente, representando Aruba.[2] E ta medayista den categoria duet estilo liber, hunto cu su partner Kyra Hoevertsz, entre otro na e Weganan Panamericano 2014.[3] Na edat di 17 aña, el a wordo ofrece un beca pa landa na Universidad di Lindenwood na Merca, unda el a gradua cu e titulo di bachelor den Psicologia y master den Intervencion Tempran den Autismo. Sinembargo su carera den landamento sincronisa a keda stroba despues di a haci un operacion di coreccion di lomba pa scoliosis severo, cu a lag’e cu metal den su lomba y e nomber di cariño ‘muhe di hero’.[4]
Concurso di beyesa
[editá | editá fuente]Eman a cuminsa su carera den certamen di beyesa na 2017, ora el a gana e titulo di Miss World Aruba 2017. Eman a representa Aruba den Miss World 2017 na Sanya, China, caminda e no a sali den e top 40 semifinalista.[5][2] Tambe Eman a representa Aruba na Miss Internacional 2018 na Tokyo, Hapon, unda e no a clasifica den e top 15 finalista.[6]
Dia 10 di augustus 2024, Eman a gana e titulo di Miss Universe Aruba 2024 y a bira sucesor di Karol Croes. Entre e 125 concursante el a representa Aruba dia 16 di november na Miss Universe 2024 na Mexico[7][8][9] y a clasifica den e top 30 finalista di e certamen. E tabata tambe un di e shete ganador di plata den e competencia The Voice for Change. E competencia aki ta un iniciativa mundial cu ta curasha e concursantenan di Miss Universo pa crea videonan tokante causa social cu nan ta preocupa p’e.[10]
Fuente, nota i/òf referensia
|