Alpen
| Alpen | |
|---|---|
 | |
| Lokalisashon | |
| Kontinente | Oropa |
| Pais | Alemania, Austria, Suisa, Fransia, Italia, Slovenia, Monaco, Liechtenstein, Hongaria |
| Koordinatonan | 46°34′41″N 8°36′54″E / 46.57806°N 8.61500°E |
| Karakterístika | |
| Área | 190.000 kilometer kuadra |
| Largura | 1.200 kilometer |
| Anchura | 280 kilometer |
| Kumbre | Mont Blanc |
 | |
Imágen riba  Wikimedia Commons | |
| [Editá Wikidata] · [Manual] |
E Alpen ta un kadena di seru na Oropa ku ta ekstende for di e kosta mediteráneo franses den sùitwest te e plano di Pannon den e parti ost. E superfisie di e serunan ta mas ku 200.000 km2. E Alpen ta parti di ocho estado: Austria (29%), Italia (27%), Fransia (21%), Suisa (13%), Alemania (5,8%), Slovenia (3,5%), Liechtenstein (0,08%) i Monaco (0,001%). Por bisa ku Hungria tambe ta pertenesé na esaki, ya ku e Seru di Odenburg na su frontera ta pertenesé na e serunan di Alpen. Den total tin mas o ménos 13 mion hende ta biba den henter e teritorio alpino.
Solamente den e parti west di e serunan tin kumbre di 4000 meter di altura. E kumbre di mas haltu ta Mont Blanc (4808 m), situá riba e frontera franses-italiano. Mas aleu tin 82 otro kumbre ku un haltura riba 4000 m. E Alpen ta un kadena di montaña relativamente hóben, formá durante e orogenesia alpino den e periodo tersiario. Den Alpen ta nase hopi riu grandi oropeo, manera e riunan Rhone, Rhin, Po i Inn.
E Alpen ta forma un barera geográfiko importante den Oropa. Desde prehistoria e pasonan di Alpen ta un konekshon importante entre suit i nort di Oropa. Den siglo 21 tambe un selekshon di pasonan di seru (i túnel) ta di importansia internashonal.