1962

Árþúsund:	2. árþúsundið
Aldir:	19. öldin; 20. öldin ; 21. öldin;
Áratugir:	1941–1950; 1951–1960; 1961–1970; 1971–1980; 1981–1990;
Ár:	1959; 1960; 1961; 1962; 1963; 1964; 1965;

Árið 1962 (MCMLXII í rómverskum tölum) var 62. ár 20. aldar og almennt ár sem hófst á mánudegi samkvæmt gregoríska tímatalinu.

Atburðir

Janúar

1. janúar - Vestur-Samóa fékk sjálfstæði frá Nýja-Sjálandi.
3. janúar
- Tilkynnt var opinberlega um bandarísku Gemini-geimferðaáætlunina.
- Jóhannes 23. páfi bannfærði Fidel Castro leiðtoga Kúbu.
4. janúar - New York-borg kynnti fyrstu sjálfvirku neðanjarðarlestina án lestarstjóra.
5. janúar - Breiðskífan My Bonnie þar sem Bítlarnir (undir nafninu The Beat Brothers) léku með Tony Sheridan kom út í Bretlandi.
8. janúar - Lestarslysið í Harmelen: 93 létust í lestarslysi í Hollandi.
10. janúar - Yfir 4000 fórust þegar snjóflóð féll í hlíðum Huascarán-fjalls í Perú á bæinn Ranrahirca og nærliggjandi þorp.
11. janúar - Bandaríska sprengjuflugvélin B-52H Stratofortress sló met í langflugi þegar hún flaug í 21 tíma, yfir 20.000 km leið, án þess að taka eldsneyti.
12. janúar - Indónesíuher hóf aðgerðir í Vestur-Irian.
15. janúar
- Breska veðurstofan tók að notast við Celsíus meðfram hitatölum í Fahrenheit eftir umsókn Bretlands um aðild að Evrópubandalaginu.
- Franski tískuhönnuðurinn Yves Saint Laurent stofnaði sitt eigið tískuhús.
21. janúar - Samtök Ameríkuríkja ráku Kúbu úr samtökunum. Því var aflétt árið 2009.
22. janúar
- Scotice-sæstrengurinn milli Skotlands, Færeyja og Íslands var fulllagður.
- Frönsku hryðjuverkasamtökin Organisation Armée Secrète, sem voru andsnúin sjálfstæði Alsír, sprengdu tímasprengju í franska utanríkisráðuneytinu þar sem einn lét lífið og þrír særðust.
24. janúar
- Trípólíbíó hætti starfsemi.
- Bítlarnir gerðu fimm ára umboðssamning við Brian Epstein þar sem hann fékk 25% af tekjum hljómsveitarinnar.
30. janúar
- Tveir meðlimir loftfimleikahópsins Wallenda-fjölskyldan fljúgandi létust þegar sjö manna mennskur píramídi féll í Detroit.
- Hláturfaraldurinn í Tanganjika hófst þegar skólastúlkur í heimavistarskóla í Kashasha hófu að hlæja stjórnlaust.

Febrúar

Febrúar - Sviðslistahópurinn Mouvement panique var stofnaður í París.
4.-5. febrúar - Allar sjö klassísku pláneturnar mynduðu samstöðu á sólbaug þar sem þær voru allar innan við 16˚ frá hver annarri séðar frá jörðu.
7. febrúar
- Bandaríkin settu viðskiptabann á Kúbu.
- Námuslysið í Luisenthal: 299 létust í sprengingu í kolanámu í Saarlandi.
10. febrúar
- Elliðaslysið: Togarinn Elliði SI 1 fórst undan Snæfellsnesi með 28 manns í áhöfn. Tveir létust.
- Bandaríkin og Sovétríkin skiptu á bandaríska njósnaflugmanninum Francis Gary Powers og sovéska njósnaranum Rudolf Abel í Berlín.
11. febrúar
- Þriggja tíma kappakstur var haldinn á Daytona Beach í Flórída. Þetta var undanfari kappakstursins 24 Hours of Daytona.
- Alsírstríðið: Samningaviðræður hófust milli franskra stjórnvalda og sjálfstæðisleiðtoga Alsírs í Les Rousses.
13. febrúar - Yfir 150.000 manns tóku þátt í mótmælagöngu í París vegna Alsírdeilunnar.
14. febrúar - Jacqueline Kennedy leiddi sjónvarpsáhorfendur stöðvarinnar CBS í gegnum Hvíta húsið.
16. febrúar
- Vasakvíin, undanfari Vasasafnsins í Stokkhólmi, var vígð.
- Indverski kongressflokkurinn og Jawaharlal Nehru unnu stórsigur í þingkosningum á Indlandi.
- Kveikt var í húsum í Georgetown í Bresku Gvæjana í öldu uppþota.
17. febrúar - Norðursjávarflóðið 1962: Flóð og stormur kringum Hamborg urðu til þess að um 300 létust og þúsundir misstu heimili sín.
17.-18. febrúar - Stuðlabergsslysið: Ellefu fórust á síldarbát frá Seyðisfirði við Stafnes við Reykjanesskaga.
20. febrúar - Mercury-áætlunin: John Glenn fór fyrstur Bandaríkjamanna á braut um jörðu í geimfarinu Friendship 7.
21. febrúar - Margot Fonteyn og Rúdolf Núrejev dönsuðu í fyrsta skipti saman í ballettinum Giselle í London.
26. febrúar - Írski lýðveldisherinn boðaði endalok landamærahernaðar við landamæri Norður-Írlands sem staðið hafði í fimm ár.

Mars

1. mars
- Benedicto Kiwanuka varð fyrsti forsætisráðherra heimastjórnarinnar í Úganda.
- Ofurhetjan Hulk birtist í fyrsta sinn í myndasögutímariti frá Marvel Comics.
- American Airlines flug 1 fórst eftir flugtak frá New York-flugvelli með 95 um borð.
2. mars - Valdaránið í Búrma 1962: Herforingjaklíka undir stjórn Ne Win rændi völdum í Búrma.
7. mars
- Öskudagsstormurinn 1962 gekk yfir norðausturströnd Bandaríkjanna.
- Royal College of Physicians í Bretlandi gaf út skýrslu um reykingar sem ástæðu lungnakrabbameins.
10. mars - Fyrsta Stjórnarskrá Marokkó var samþykkt.
15. mars
- Forsætisráðherra Katanga, Moise Tshombe, hóf viðræður um sameiningu við Lýðstjórnarlýðveldið Kongó.
- John F. Kennedy mælti fyrir Réttindaskrá neytenda í ræðu á Bandaríkjaþingi.
16. mars - Flying Tiger Line flug 739 með bandaríska hermennn um borð á leið til Suður-Víetnam, fórst í Kyrrahafi með 107 manns.
18. mars
- Alsírstríðið: Frakkland og Alsír skrifuðu undir friðarsamning sem batt enda á stríð landanna í Alsír.
- Isabelle Aubret sigraði Söngvakeppni evrópskra sjónvarpsstöðva 1962 fyrir Frakkland með laginu „Un premier amour“.
19. mars
- Fyrsta breiðskífa Bob Dylan, Bob Dylan, kom út.
- Vopnahlé tók gildi í Alsír, en frönsku hryðjuverkasamtökin Organisation armée secrète héldu áfram baráttu sinni.
23. mars - Helsingforssamningurinn um norrænt samstarf var undirritaður.
24. mars - Franski herforinginn Edmond Jouhaud var handtekinn í Oran í Alsír.
26. mars - Herskylda í Frakklandi var stytt úr 26 í 18 mánuði.
29. mars - European Launcher Development Organisation var stofnuð.

Apríl

1. apríl - Flugvöllurinn Arlanda við Stokkhólm var vígður.
6. apríl - Belgía tók aftur upp stjórnmálasamband við Lýðstjórnarlýðveldið Kongó.
8. apríl - Évian-friðarsamningarnir um sjálfstæði Alsírs voru samþykktir með 90% atkvæða í þjóðaratkvæðagreiðslu í Frakklandi.
9. apríl
- Lögreglan í Marseille endurheimti 8 málverk eftir Paul Cézanne sem hafði verið stolið í ágúst árið áður.
- Bandaríska landgönguliðið hóf formlega þátttöku í Víetnamstríðinu þegar þyrlusveitin HMM-362 kom til Sóc Trăng sunnan við Sægon.
11. apríl - Alþjóðasamningur um að fyrirbyggja óhreinkun sjávar af völdum olíu var uppfærður af Alþjóðasiglingamálastofnuninni eftir langa ráðstefnu um olíumengun í sjó.
13. apríl - Franski herforinginn Edmond Jouhaud, næstráðandi í hryðjuverkasamtökunum Organisation armée secrète, var dæmdur til dauða í Frakklandi.
14. apríl - Handritastofnun Íslands var stofnuð með lögum frá Alþingi.
16. apríl
- Ríkisábyrgðasjóður var stofnaður á Íslandi.
- Walter Cronkite tók við sem fréttamaður CBS Evening News.
18. apríl - Lög um innflytjendur frá samveldislöndum 1962 tóku gildi í Bretlandi. Lögin settu ströng skilyrði fyrir fólksflutningum til Bretlands frá samveldislöndum.
20. apríl - Leiðtogi frönsku hryðjuverkasamtakanna Organisation armée secrète, Raoul Salan, var handtekinn í Alsír.
21. apríl - Sýning 21. aldarinnar var opnuð í Seattle.
23. apríl - Tónabíó, nýtt kvikmyndahús, hóf sýningar í Reykjavík.
24. apríl - Kosmos 4 varð fyrsti njósnahnöttur Sovétríkjanna sem komst á lágbraut um jörðu.
25. apríl - Bandaríkin hófu að nýju kjarnorkutilraunir nærri Jólaeyju.
26. apríl - Ómannaða bandaríska geimfarið Ranger 4 hrapaði á yfirborð tunglsins og eyðilagðist í fallinu.

Maí

Eichmann bíður aftökunnar í Ramle-fangelsinu í Tel Avív.

2. maí
- Sænska matvælafyrirtækið Findus var keypt af Nestlé.
- S.L. Benfica sigraði Evrópubikarinn 1961-1962 með 5-3 sigri á Real Madrid.
3. maí - Lestarslysið í Mikawashima: 160 létust þegar þrjár lestar rákust saman í Tókýó.
6. maí
- Antonio Segni var kjörinn forseti Ítalíu.
- Við Palmyraeyju var í fyrsta og eina skiptið gerð tilraun með sprengingu kjarnaodds sem skotið var með eldflaug.
14. maí - Juan Carlos, krónprins Spánar, gekk að eiga Sófíu Grikklandsprinsessu.
19. maí - Marilyn Monroe söng afmælissönginn fyrir John F. Kennedy Bandaríkjaforseta á fjáröflunarviðburði í Madison Square Garden.
23. maí - Mexíkóski bændaforinginn Ruben Jaramillo var skotinn til bana ásamt fjölskyldu sinni af her og lögreglu í Xochitepec, Morelos.
24. maí - Mercury-áætlunin: Scott Carpenter fór þrisvar umhverfis jörðina í geimfarinu Aurora 7.
25. maí - Ný Dómkirkja í Coventry var vígð.
27. maí - Sveitarstjórnarkosningar fóru fram á Íslandi. Óháðir bindindismenn var nýtt framboð í Reykjavík sem ekki hlaut hljómgrunn.
30. maí - HM í knattspyrnu hófst í Síle.
31. maí
- Sambandsríki Vestur-Indía var lagt niður.
- 63 létust þegar vöruflutningalest rakst á farþegalest við Voghera á Ítalíu.
- Adolf Eichmann var tekinn af lífi í fangelsi í Tel Avív.

Júní

Júní - Hestamannafélagið Hringur var stofnað á Dalvík.
2. júní - Blóðbaðið í Novotsjerkassk: Sovétherinn skaut á óvopnaða mótmælendur í bænum Novotsjerkassk.
3. júní - 130 fórust þegar Air France flug 007 fórst í flugtakið frá Orly-flugvelli í París.
5. júní - Köngulóarmaðurinn kom fyrst fram í myndasögu.
9. júní - Stjórn Francisco Franco á Spáni afnam tímabundið rétt Spánverja til að flytja milli héraða.
11. júní - Þrír fangar sluppu frá Alcatraz-fangelsinu, en talið er að þeir hafi drukknað við að synda yfir San Francisco-flóa.
16. júní - Tímaritið The New Yorker birti útdrátt úr bók Rachel Carson, Raddir vorsins þagna, sem vakti mikil viðbrögð.
17. júní - Brasilía sigraði Heimsmeistaramót landsliða í knattspyrnu karla 1962 með 3-1 sigri á Tékkóslóvakíu.
22. júní - 113 fórust þegar Air France flug 117 hrapaði á Gvadelúp.
23. júní - Hvalfjarðarganga Samtaka hernámsandstæðinga lagði af stað frá Hvítanesi.
25. júní:
- Engel gegn Vitale: Hæstiréttur Bandaríkjanna komst að þeirri niðurstöðu að bænaskylda í grunnskólum bryti gegn stjórnarskrá.
- Mósambísku skæruliðasamtökin FRELIMO voru stofnuð í Tanganjika.
26. júní - Allsherjarþing Sameinuðu þjóðanna samþykkti með 93 atkvæðum gegn engu að skipta belgísku nýlendunni Rúanda-Úrúndí í tvö ríki.
30. júní:
- Síðustu liðsmenn frönsku útlendingaherdeildarinnar hurfu frá Alsír.
- Sjóræningjastöðin Radio Nord hætti útsendingum frá sænska skerjagarðinum eftir að ný lög gegn ólöglegum útvarpsstöðvum tóku gildi.
- Lög um innflytjendur frá Breska samveldinu tóku gildi.

Júlí

Hornloftnet í Andover, Maine, til að eiga samskipti við Telstar-gervihnöttinn.

1. júlí - Rúanda og Búrúndí urðu sjálfstæð.
2. júlí - Sam Walton opnaði fyrstu Walmart-verslunina í Rogers í Arkansas.
5. júlí:
- Alsír hlaut sjálfstæði frá Frakklandi.
- Blóðbaðið í Oran 1962: Tugir Alsírbúa og franskra landnema voru myrtir í Oran og Algeirsborg.
7. júlí - 94 fórust þegar Alitalia flug 771 fórst við Mumbai á Indlandi.
12. júlí - The Rolling Stones spiluðu sína fyrstu tónleika í Marquee Club í London.
14. júlí - Hótel Saga var tekin í notkun.
18. júlí - Valdaránið í Perú 1962: Herinn gerði byltingu í Perú og Ricardo Pérez Godoy tók við völdum.
23. júlí - Fyrsta sjónvarpsútsending um gervihnött fór fram um gervihnöttinn Telstar frá Evrópu til Norður-Ameríku.
26. júlí - Kúbudeilan: Fyrstu kjarnaoddarnir sem Sovétríkin fluttu til Kúbu voru settir á land í hafnarborginni Mariel.
30. júlí - Kanadavegurinn var formlega opnaður og tengdi St. John's á Nýfundnalandi við Victoriu í Bresku Kólumbíu.
31. júlí:
- Kjarnorkukafbátarnir USS Skate og USS Seadragon mættust undir ísnum á norðurheimskautinu.
- Ahmed Ben Bella varð fyrsti forseti Alsírs.
- Danska útvarpsstöðin Radio Mercur sem sendi út frá skipi í Eyrarsundi hætti útsendingum.
- Hringmyrkvi á sólu sást frá sunnanverðri Afríku og Karíbahafsströnd Suður-Ameríku.

Ágúst

Frétt af andláti Marilyn Monroe á forsíðu *New York Mirror*.

1. ágúst - Banatilræði gegn forseta Gana, Kwame Nkrumah, mistókst þar sem hann lauk ræðu sinni snemma.
5. ágúst:
- Nelson Mandela var handtekinn af suðurafrískum yfirvöldum fyrir að ýta undir óeirðir.
- Marilyn Monroe fannst látin í íbúð sinni í Los Angeles.
6. ágúst - Jamaíka hlaut sjálfstæði.
11. ágúst - Sovétmenn sendu mannaða geimfarið Vostok 3 út í geim.
12. ágúst - Sovétmenn sendu mannaða geimfarið Vostok 4 út í geim.
16. ágúst:
- Alsír gerðist aðili að Arababandalaginu.
- Pete Best var rekinn úr Bítlunum og Ringo Starr tók við stöðu trommuleikara.
- Stjórn fjögurra héraða Franska Indlands (Pondicherry, Karaikal, Yanam og Mahé) fluttist til Indlands.
17. ágúst - Austurþýskir landamæraverðir skutu Peter Fechter til bana þegar hann reyndi að komast yfir Berlínarmúrinn.
24. ágúst - Fyrsta sjónvarpsstöð Indónesíu, TVRI, hóf útsendingar.
27. ágúst - NASA sendi könnunarfarið Mariner 2 út í geim.
31. ágúst - Trínidad og Tóbagó varð sjálfstætt frá Bretlandi.

September

John F. Kennedy segir frá áætluðu mönnuðu geimflugi til tunglsins.

1. september - Yfir 12.000 manns létust þegar jarðskjálfti reið yfir norðvesturhluta Írans.
3. september - Jens Otto Krag tók við embætti forsætisráðherra Danmerkur eftir veikindi Viggo Kampmann.
7. september - Robert Sténuit varð fyrstur til að eyða sólarhring á botni sjávar í sérstöku þrýstihylki.
8. september - Kúbudeilan: Fyrstu sovésku R-12-eldflaugarnar komu til Kúbu.
10. september - Ástralski tennisleikarinn Rod Laver varð annar til að ná Grand Slam með sigri á U.S. Open, Australian Open, French Open og Wimbledon.
12. september - John F. Kennedy Bandaríkjaforseti lýsti því yfir í ræðu við Rice University að Bandaríkin hygðust senda mannað geimfar til tunglsins fyrir lok áratugarins.
15. september - Kúbudeilan: Sovéskar miðdrægar eldflaugar voru settar upp á Kúbu.
20. september - British Motor Company setti sportbílinn MGB á markað. Þetta varð mest seldi sportbíll sögunnar.
23. september - Lincoln-sviðslistamiðstöðin var opnuð í New York-borg.
25. september - Sonny Liston sigraði Floyd Patterson í hnefaleikum og varð nýr þungavigtarmeistari.
26. september:
- Borgarstyrjöldin í Norður-Jemen braust út.
- Bandaríski veitingamaðurinn Harland Sanders skráði einkaleyfi á aðferð til að steikja kjúkling undir þrýstingi.
- Flóðbylgja gekk yfir Barselóna á Spáni með þeim afleiðingum að 440 létust.
27. september - Bókin Raddir vorsins þagna eftir Rachel Carson kom út.

Október

Biskupar flykkjast inn í Péturskirkjuna við upphaf Annars Vatíkansráðsins.

1. október - Johnny Carson varð kynnir sjónvarpsþáttarins The Tonight Show.
2. október - Kennsla hófst í Kennaraskólanum í nýju húsnæði við Stakkahlíð.
3. október - Mercury-áætlunin: Walter Schirra fór sex hringi umhverfis jörðina í geimfarinu Sigma 7.
5. október:
- Fyrsta smáskífa Bítlanna, „Love Me Do“/„P.S. I Love You“, kom út.
- Dr. No, fyrsta James Bond-myndin, var frumsýnd í London.
8. október:
- Nikita Krústsjov, leiðtogi Sovétríkjanna, fékk leyfi til að koma fyrir kjarnorkuflaugum á Kúbu.
- Alsír gerðist aðili að Sameinuðu þjóðunum.
9. október - Úganda fékk sjálfstæði frá Bretlandi.
11. október - Jóhannes 23. páfi setti Annað Vatíkansráðið með messu í Péturskirkjunni.
12. október - Kvikmyndin 79 af stöðinni var frumsýnd á Íslandi.
13. október - Leikritið Hver er hræddur við Virginiu Woolf? eftir Edward Albee var frumsýnd á Broadway.
15. nóvember - Norska leikritið Dýrin í Hálsaskógi var frumsýnt á Íslandi í fyrsta skipti.
16. október–28. október: Kúbudeilan. Flugvél Bandaríkjanna náði myndum af sovésku eldflaugum á Kúbu sem jók spennu milli Bandaríkjanna og Sovétríkjanna.
20. október - Stríð Kína og Indlands braust út vegna landamæradeilna.
21. október - Norska Hurtigruten-farþegaskipið Sanct Svithun fór langt af leið og strandaði við Nordøyen með þeim afleiðingum að 41 fórst.
24. október - Kúbudeilan: Bandarísk herskip neyddu sovéskt flutningaskip af leið.
27. október - Kúbudeilan: Kafbátaskipstjórinn Vasilíj Arkhipov neitaði að skjóta kjarnorkuflaugum að skipum bandaríska sjóhersins.
28. október:
- Kúbudeilan: Níkíta Krústsjov tilkynnti að hann hefði fyrirskipað niðurrif eldflaugaskotpalla á Kúbu.
- Frakkar samþykktu beint kjör forseta í þjóðaratkvæðagreiðslu.

Nóvember

1. nóvember
- Kúbudeilan: Sovétmenn hófu niðurrif skotpalla á Kúbu.
- Fyrsta ítalska myndasagan um Diabolik kom út.
5. nóvember - Kings Bay-námaslysið: 21 námuverkamaður lét lífið í kolanámu í Ny-Ålesund á Svalbarða.
6. nóvember:
- Allsherjarþing Sameinuðu þjóðanna fordæmdi apartheid-stefnu suðurafrískra stjórnvalda og kallaði eftir viðskiptaþvingunum.
- Sádiarabíski krónprinsinn Faisal bin Abdulaziz Al Saud tilkynnti tafarlaust afnám þrælahalds í Sádi-Arabíu.
7. nóvember - Nelson Mandela hóf fimm ára fangavist sína.
8. nóvember - Bandaríska kvikmyndin Uppreisnin á Bounty var frumsýnd.
14. nóvember - Eþíópía innlimaði Eritreu sem áður var sjálfstætt fylki innan sambandsríkisins.
17. nóvember:
- Dulles International Airport í Washington DC var vígður af John F. Kennedy.
- Strikið í Kaupmannahöfn var gert að göngugötu í tilraunaskyni.
20. nóvember - Kúbudeilan: Þegar Sovétríkin samþykktu að fjarlægja eldflaugar þaðan afléttu Bandaríkjamenn hafnbanni á Kúbu.
21. nóvember - Stríði Kína og Indlands lauk með því að Indland samþykkti yfirráð Kína yfir Aksai Chin.
29. nóvember - Bretar og Frakkar undirrituðu samning um þróun Concorde-þotunnar.
30. nóvember - Ítölsku Campiello-verðlaunin hófu göngu sína.

Desember

4.–7. desember - Lundúnamóðan 1962: Talið er að allt að 700 manns hafi látist þegar þykkt mengunarský lagðist yfir London.
6. desember - Ítalska ríkisrekna orkufyrirtækið Enel var stofnað með lögum nr. 1643.
7. desember:
- Rainier 3. Mónakófursti breytti stjórnarskrá Mónakó og lét hluta af völdum sínum í hendur ýmissa ráðgjafarráða.
- Ofurtölvan Atlas með 576 KB geymsluminni var tekin í notkun við Manchester-háskóla.
- Bill Wyman var ráðinn sem bassaleikari Rolling Stones.
8. desember - Dagblaðaverkfallið í New York 1962-1963 hófst og lamaði blaðaútgáfu í borginni í 114 daga.
9. desember - Tanganjika gerðist lýðveldi með Julius Nyerere sem fyrsta forseta landsins.
10. desember - Breska stórmyndin Arabíu-Lawrence var frumsýnd í London.
11. desember - Síðasta aftakan var framkvæmd í Kanada þegar tveir menn sem höfðu verið dæmdir fyrir morð voru hengdir.
14. desember - Bandaríska geimkönnunarfarið Mariner 2 fór framhjá Venus og sendi fyrstu nærmyndirnar frá annarri reikistjörnu.
15. desember - Stærsta fjallaskíðasvæði Bandaríkjanna, Vail Ski Resort, var opnað í Colorado.
21. desember:
- Forsætisráðherra Bretlands samþykkti kaup á bandarískum Polaris-flaugum eftir fund með Bandaríkjaforseta á Bahamaeyjum.
- Fyrsti þjóðgarður Noregs, Rondane-þjóðgarðurinn, var stofnaður í Innlandet.
28. desember - Hvalbæjargöngin voru opnuð í Færeyjum.
30. desember - Friðargæslulið Sameinuðu þjóðanna lagði undir sig síðustu bækistöðvar uppreisnarmanna í Katanga.

Ódagsett

Fyrst var talað um Tíu helstu iðnríki heims.
Þrælahald var lagt af í Sádi-Arabíu og Jemen.
Ungmennafélag Reykjavíkur var lagt niður.
Byggingarvöruverslun Kópavogs eða BYKO var stofnuð.
Hljómsveitin Savanna-tríóið var stofnuð.
Knattspyrnuliðið FK Nevėžis var stofnað í Litáen.
Enska hljómsveitin The Animals var stofnuð.
Íhaldsflokkur New York var stofnaður.
Hljómsveitin Facon var stofnuð á Bíldudal.

Fædd

5. janúar - Shinobu Ikeda, japanskur knattspyrnumaður.
7. janúar - Aleksandr Dúgín, rússneskur stjórnmálaskýrandi.
10. janúar - Egill Ingibergsson, íslenskur leikmyndahönnuður.
17. janúar - Jim Carrey, bandarískur leikari.
25. janúar - Steinunn Ólafsdóttir, íslensk leikkona.
28. janúar - Guðmundur Haraldsson, íslenskur leikari.
29. janúar - Olga Tokarczuk, pólskur rithöfundur.
30. janúar - Abdúlla 2. Jórdaníukonungur.
7. febrúar - Eddie Izzard, bresk leikkona.
10. febrúar - Cliff Burton, bandarískur bassaleikari (Metallica). (d. 1986).
15. febrúar - Milo Đukanović, svartfellskur stjórnmálamaður.
17. febrúar - Henny Meijer, hollenskur knattspyrnumaður.
20. febrúar - Valur Ingimundarson, íslenskur körfuknattleiksmaður.
21. febrúar - Chuck Palahniuk, bandarískur rithöfundur.
22. febrúar - Steve Irwin, ástralskur náttúruverndarsinni (d. 2006).
23. febrúar - Ivica Barbarić, króatískur knattspyrnumaður.
27. febrúar - Grant Show, bandarískur leikari.
27. febrúar - Adam Baldwin, bandarískur leikari.
6. febrúar - Axl Rose, bandarískur tónlistarmaður.
2. mars - Jon Bon Jovi, bandarískur tónlistarmaður.
8. mars - Július Bielik, slóvakískur knattspyrnumaður.
8. mars - Mitsunori Yoshida, japanskur knattspyrnumaður.
12. mars - Jón Bjarni Guðmundsson, íslenskur leikari.
17. mars - Kalpana Chawla, bandarískur geimfari (d. 2003).
21. mars - Matthew Broderick, bandarískur leikari.
25. mars - Marcia Cross, bandarísk leikkona.
25. mars - Sigrún Gylfadóttir, íslensk leikkona.
26. mars - John Stockton, bandarískur körfuknattleiksmaður.
6. apríl - Tomoyasu Asaoka, japanskur knattspyrnumaður (d. 2021).
8. apríl - Izzy Stradlin, bandarískur tónlistarmaður.
12. apríl - Katsuhiro Kusaki, japanskur knattspyrnumaður.
13. apríl - Edivaldo Martins Fonseca, brasilískur knattspyrnumaður (d. 1993).
16. apríl - Antony Blinken, bandarískur embættismaður.
16. apríl - Elínborg Halldórsdóttir, íslensk myndlistarkona.
19. apríl - Dorian Yates, breskur vaxtarræktarmaður.
20. apríl - Sigurður Ingi Jóhannsson, íslenskur stjórnmálamaður.
26. apríl - Matteo Messina Denaro, ítalskur mafíuforingi (d. 2023).
12. maí - Emilio Estevez, bandarískur leikari.
14. maí - C.C. Deville, bandarískur tónlistarmaður (Poison).
17. maí - Craig Ferguson, skoskur þáttastjórnandi.
21. maí - Uwe Rahn, þýskur knattspyrnumaður.
31. maí - Dina Boluarte, perúsk stjórnmálakona.
4. júní - Peter Maté, slóvakískur píanóleikari.
5. júní - Jeff Garlin, bandarískur leikari.
6. júní - Hirokazu Kore-eda, japanskur kvikmyndagerðarmaður.
19. júní - Masanao Sasaki, japanskur knattspyrnumaður.
22. júní - Clyde Drexler, bandarískur körfuknattleiksmaður.
24. júní - Claudia Sheinbaum, forseti Mexíkó.
25. júní - Kristinn Hrafnsson, íslenskur blaðamaður.
3. júlí - Tom Cruise, bandarískur leikari.
3. júlí - Thomas Gibson, bandarískur leikari.
9. júlí - Páll Valur Björnsson, íslenskur stjórnmálamaður.
13. júlí - Tom Kenny, bandarískur leikari.
20. júlí - Carlos Alazraqui, bandarískur leikari.
26. júlí - Sigríður Beinteinsdóttir, íslensk söngkona.
4. ágúst - Lori Lightfoot, bandarísk stjórnmálakona.
5. ágúst - Patrick Ewing, bandarískur körfuknattleiksmaður.
7. ágúst - Stefanía Óskarsdóttir, íslenskur stjórnmálafræðingur.
9. ágúst - Annegret Kramp-Karrenbauer, þýskur stjórnmálamaður.
10. ágúst - Suzanne Collins, bandarísk leikkona.
10. ágúst - Ragna Sigurðardóttir, íslensk myndlistarkona.
10. ágúst - Siv Friðleifsdóttir, íslensk stjórnmálakona.
10. ágúst - Halldór Björnsson, íslenskur leikari.
11. ágúst - Bragi Ólafsson, íslenskur rithöfundur og skáld.
12. ágúst - Shigetatsu Matsunaga, japanskur knattspyrnumaður.
13. ágúst - Manuel Valls, spænsk-franskur stjórnmálamaður.
16. ágúst - Steve Carell, bandarískur leikari.
17. ágúst - Björn Ingi Hilmarsson, íslenskur leikari.
20. ágúst - Geoffrey Blake, bandarískur leikari.
27. ágúst - Sigurjón Birgir Sigurðsson (Sjón), íslenskt skáld.
28. ágúst - David Fincher, bandarískur kvikmyndaleikstjóri.
30. ágúst - Aleksandr Lítvínenko, rússneskur leyniþjónustumaður (d. 2006).
2. september - Keir Starmer, breskur stjórnmálamaður.
2. september - Katt Williams, bandarískur leikari.
3. september - Jónína Kristín Berg, goði Ásatrúarfélagsins á Íslandi.
11. september - Julio Salinas, spænskur knattspyrnumaður.
13. september - Andrea Gylfadóttir, íslensk söngkona.
21. september - Rob Morrow, bandarískur leikari.
25. september - Ales Bjaljatskí, hvítrússneskur aðgerðasinni.
26. september - Ólafur Jóhann Ólafsson, íslenskur rithöfundur og forstjóri.
26. september - Gunnar Svavarsson, íslenskur stjórnmálamaður.
28. september - Rannveig Þorkelsdóttir, íslensk leikkona.
2. október - Jeff Bennett, bandarískur leikari.
2. október - Sigtryggur Baldursson, íslenskur trommuleikari.
3. október - Tommy Lee, grísk-amerískur tónlistarmaður.
11. október - Pavel Černý, tékkneskur knattspyrnumaður.
11. október - Joan Cusack, bandarísk leikkona.
14. október - Böðvar Bjarki Pétursson, íslenskur kvikmyndagerðarmaður.
17. október - Mike Judge, bandarískur kvikari.
19. október - Jóhanna Vigdís Hjaltadóttir, íslensk fréttakona.
29. október - Einar Örn Benediktsson, íslenskur tónlistarmaður.
1. nóvember - Sigurþór Albert Heimisson, íslenskur leikari.
3. nóvember - Gabe Newell, bandarískur kaupsýslumaður.
3. nóvember - Antti Rinne, finnskur stjórnmálamaður.
11. nóvember - Demi Moore, bandarísk leikkona.
13. nóvember - Guðmundur B. Ólafsson, íslenskur lögfræðingur.
16. nóvember - Ásbjörn Óttarsson, íslenskur stjórnmálamaður.
18. nóvember - Kirk Hammett, bandarískur gítarleikari (Metallica).
19. nóvember - Jodie Foster, bandarísk leikkona.
19. nóvember - Ágúst Borgþór Sverrisson, íslenskur rithöfundur.
21. nóvember - Salvör Nordal, íslenskur heimspekingur.
23. nóvember - Nicolás Maduro, forseti Venesúela.
28. nóvember - Jon Stewart, bandarískur þáttastjórnandi.
29. nóvember - Catherine Chabaud, frönsk siglingakona.
7. desember - Ólafía Hrönn Jónsdóttir, íslensk leikkona.
9. desember - Þóra Steffensen, íslenskur réttarmeinafræðingur.
9. desember - Felicity Huffman, bandarísk leikkona.
9. desember - Juan Atkins, bandarískur tónlistarmaður.
19. desember - Frosti Sigurjónsson, íslenskur viðskiptafræðingur.
23. desember - Tran Anh Hung, fransk-víetnamskur kvikmyndagerðarmaður.
29. desember - Carles Puigdemont, katalónskur stjórnmálamaður.
29. desember - Wynton Rufer, nýsjálenskur knattspyrnumaður.
31. desember - Nélson Luís Kerchner, brasilískur knattspyrnumaður.

Dáin

11. febrúar - Dóri Jónsson, íslenskur rithöfundur (f. 1901).
10. apríl - Stuart Sutcliffe, skoskur myndlistarmaður (f. 1940).
11. apríl - Axel Revold, norskur myndlistarmaður (f. 1887).
11. maí - Hans Luther, þýskur stjórnmálamaður (f. 1879).
26. maí - Ásta Magnúsdóttir, íslensk embættiskona (f. 1888).
31. maí - Adolf Eichmann, þýskur SS-foringi (f. 1906).
2. júní - Gunnar Halldórsson, íslenskur knattspyrnumaður (f. 1894).
6. júlí - William Faulkner, bandarískur rithöfundur (f. 1897).
28. júlí - Gunnlaugur Blöndal, íslenskur myndlistarmaður (f. 1893).
5. ágúst - Marilyn Monroe, bandarísk leikkona (f. 1926).
6. ágúst - Þórður Jónsson, íslenskur smiður (f. 1874).
9. ágúst - Hermann Hesse, þýskur rithöfundur (f. 1877).
9. ágúst - Poul Nielsen, danskur knattspyrnumaður (f. 1891).
26. ágúst - Helga Sigurðardóttir, skólastjóri Húsmæðrakennaraskóla Íslands og matreiðslubókahöfundur (f. 1904).
26. ágúst - Vilhjálmur Stefánsson, vesturíslenskur landkönnuður (f. 1879).
7. september - Karen Blixen, danskur rithöfundur (f. 1885).
19. september - Jóninna Sigurðardóttir, íslenskur matreiðslukennari (f. 1879).
6. október - Jón Kjartansson, íslenskur stjórnmálamaður (f. 1893).
10. október - Trygve Gulbranssen, norskur rithöfundur (f. 1894).
16. október - Árni Thorsteinson, íslenskt tónskáld (f. 1870).
7. nóvember - Eleanor Roosevelt, bandarísk stjórnmálakona (f. 1884).
18. nóvember - Niels Bohr, danskur eðlisfræðingur (f. 1885).
19. nóvember - Jón Stefánsson, íslenskur listmálari (f. 1881).
22. nóvember - René Coty, franskur stjórnmálamaður (f. 1882).
28. nóvember - Vilhelmína Hollandsdrottning (f. 1880).
29. nóvember - Erik Scavenius, danskur stjórnmálamaður og forsætisráðherra (f. 1877).
27. desember - Inge Krokann, norskur rithöfundur (f. 1893).
29. desember - Eggert Stefánsson, íslenskur söngvari (f. 1890).

Nóbelsverðlaunin