Paranoid Android

Paranoid Android
Radiohead
Instancia de sinxelo
Características  Xénero artístico rock alternativo  Formato de distribución disco de vinilo  Lingua lingua inglesa
Implicados  Produtor/a Nigel Godrich  Interpretado por Radiohead  Letra de Thom Yorke  Selo discográfico Parlophone
Datas  Data de publicación 26 de maio de 1997
Historia  Precedido por Street Spirit  Sucedido por Karma Police
Códigos e identificadores Freebase /m/027rlm
Fontes e ligazóns
Wikidata

"Paranoid Android" é unha canción da banda inglesa de rock alternativo Radiohead, editada como sinxelo principal do seu terceiro álbum, OK Computer, en 1997. A letra do tema foi escrita principalmente polo vocalista Thom Yorke, despois dunha experiencia desagradable nun bar dos Ánxeles. Con máis de seis minutos de duración formados por catro seccións distintas, o tema está influenciado significativamente polo dos Beatles "Happiness Is a Warm Gun" e polo de Queen "Bohemian Rhapsody". "Paranoid Android" toma o seu nome de Marvin the Paranoid Android da serie de Douglas Adams The Hitchhiker's Guide to the Galaxy.

Cando foi editado, "Paranoid Android" chegou ao número 3 da lista británica de sinxelos. Foi moi ben recibido polos críticos e destacada en moitas recensións do álbum OK Computer. O tema apareceu regularmente nas listas das mellores cancións de todos os tempos, incluídas a da Rolling Stone das 500 mellores cancións de todos os tempos e a da revista Time da 100 mellores cancións da historia. O seu vídeo musical feito con animación e dirixido por Magnus Carlsson foi emitido regularmente pola MTV, aínda que a cadea censurou partes por conter nús. Dende o seu lanzamento a canción foi versionada por numerosos artistas de distintos xéneros musicais.

Listaxe de cancións

Todos os temas compostos por Thom Yorke, Jonny Greenwood, Ed O'Brien, Colin Greenwood e Phil Selway.

CD1

1. "Paranoid Android" – 6:27
2. "Polyethylene (Parts 1 & 2)" – 4:23
3. "Pearly*" – 3:34

CD2

1. "Paranoid Android" – 6:27
2. "A Reminder" – 3:52
3. "Melatonin" – 2:08

7-inch vinyl

1. "Paranoid Android"
2. "Polyethylene (Parts 1 & 2)"

Xapón

1. "Paranoid Android" – 6:26
2. "Polyethylene (Parts 1 & 2)" – 4:22
3. "Pearly*" – 3:33
4. "Let Down" – 4:59