Eris (planeta anano)

Eris
Instancia de planeta anano Plutoide obxecto astronómico
Epónimo Eris
Parte de Disco disperso
Designación provisional 2003 UB313
Época 2025-05-05
Astro pai Sol
Astro fillo Disnomia
Grupo menor obxecto transneptuniano Plutoide
Características orbitais
Apoapse	97,468 au
Periastro	38,013 au
Argumento de periastro	151,6871 °
Excentricidade orbital	0,43883 e 0,43465546719259
Inclinación orbital	44,1444 °
Período orbital	557,55 a
Período de rotación	25,9 h
Semieixo maior	67,74 au
Lonxitude do nó ascendente	35,9045 °
Anomalía media	205,384 °
Características físicas
Diámetro	2.326 km
Radio	1.163 km
Masa	16,6 Yg
Densidade	2,43 g/cm³
Gravidade superficial	0,82 m/s²
Superficie	17.000.000 km²
Albedo	0,96
Temperatura	30 K, 42,5 K e 55 K
Magnitude aparente	18,7
Magnitude absoluta	−1,1
Persoas e organizacións
Descubridor/a Michael E. Brown Chad Trujillo David L. Rabinowitz
Datas e cronoloxía
Acontecementos nomeamento
Data descuberta 21 de outubro de 2003
Precedido por (136198) 2003 UJ296 (pt)
Sucedido por (136200) 2003 VS5 (pt)
Localización
Localización sistema solar
Localización descubrimento Observatorio Palomar
Códigos e identificadores Freebase /m/0gb731
Fontes e ligazóns  Descrito pola fonte Size, density, albedo and atmosphere limit of dwarf planet Eris from a stellar occultation (en)
Wikidata C:Commons

Eris (símbolo: ) é o planeta anano máis masivo (por diante de Plutón), e o segundo de maior tamaño (un pouco menor que Plutón) do noso sistema solar. Foi descuberto por Michael E. Brown, Chad Trujillo e David Rabinowitz o 8 de xaneiro de 2005 a partir dunhas imaxes tomadas o 21 de outubro de 2003. Ten un único satélite natural ó que se lle deu o nome de Disnomia.

Historia e características

Durante algo máis dun ano este corpo celeste foi considerado como o décimo planeta do sistema solar polos seus descubridores, pero actualmente, segundo as estimacións da Unión Astronómica Internacional (UAI) na súa sesión do 24 de agosto de 2006, é considerado un planeta anano (xunto a Plutón e Ceres), unha nova categoría creada na devandita sesión.

Antes de que o 13 de setembro de 2006 se lle outorgase o seu nomeamento definitivo era coñecido co nome provisional de 2003 UB₃₁₃.

Órbita

Eris presenta un período orbital duns 560 anos (tarda 560 anos en completar o seu movemento de translación) e arestora^[cando?] atópase á máxima distancia posible do Sol (afelio), a unhas 97 unidades astronómicas (UA) da Terra (14.400 millóns de quilómetros). Do mesmo xeito que Plutón, a súa órbita é moi excéntrica (chega a unhas 35 UA do Sol durante o perihelio) e ó contrario dos planetas telúricos e dos xigantes gasosos, a órbita de Eris está inclinada uns 44° respecto á eclíptica.

É un dos corpos do sistema solar máis brillante e a responsable de que non se tiveran datos sobre a súa existencia ata hai ben pouco é a inclinación da súa órbita, pois normalmente a maioría das buscas concéntranse no plano da eclíptica, onde se agrupa a maioría da materia do sistema solar.

Tamaño e masa

Segundo observacións do telescopio Hubble e do Observatorio Keck, o diámetro de Eris sería de 2.398 km (±96 km), o que indicaría un tamaño case igual que o de Plutón. Porén, de acordo con observacións e medicións máis recentes e fiables, ten un tamaño un pouco menor: Plutón ten un diámetro de aproximadamente 2.377 km, mentres que Eris ten un diámetro estimado en ao redor de 2.326 km.

A masa de Eris é de 1,66x10²² kg polo que é un pouco máis masivo e máis denso que Plutón.

Satélite

Disnomia é o único satélite de Eris.

Preséntase no espazo como un punto 60 veces menos luminoso que Eris polo que, se asumimos que os dous corpos presentan o mesmo albedo, o diámetro de Disnomia pode ser duns 350 km, oito veces máis pequeno que Eris.

O seu período orbital é de 14 días.

Comparación do tamaño de Eris e Disnomia co resto dos corpos do Cinto de Kuiper e coa Terra.

Véxase tamén

Outros artigos

• Cinto de Kuiper
• Obxecto transneptuniano

---

Este artigo sobre astronomía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---