Kimbundu
| Mota | etnia |
|---|---|
| Biztanleria (osoa) | 4.650.000 |
| Hizkuntza | kimbundu |
| Geografia | |
| Estatua | Angola |
Kimbundu[1] edo ambundu Angolako talde etnolinguistiko nagusietako bat, kimbundu hizkuntza bantuaz mintzo diren herriek osatua. Kimbundu taldeko herri nagusiak mbaka, ndongo eta mbondoak dira. Angola iparraldean bizi dira, Luanda inguruan, Dande eta Kwanza ibaien arteko lurraldean.
Historia
[aldatu | aldatu iturburu kodea]XVI. mendean elkarren artean loturarik ez zuten herriek osatzen zuten kimbundu taldea, baina Kongoko erresumaren presioa zela eta, herri horietako baten legea onartu (ndongo leinuarena hain zuzen) eta haren mendean bateratu zituzten kimbundu herri guztiak. Portugaldarrek kimbundu herrien batasuna hautsi zuten, eta XVI. mendearen bukaeratik XVII. mendearen bukaerara gatazkak sorrarazi zituzten ndongo leinua osatzen zuten herrien artean. Leinu desberdineko kideen arteko ezkontzak eta portugaldarren nagusitasuna direla eta kimbundu taldean nabarmena da kultura desberdinen kutsua. 1970 inguruan Kinbundu taldea zen Angolako Nazio Askapenerako Mugimendua osatzen zuen talde nagusia. 1.970.000 kimbundu inguru dira gaur egun.
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2017-05-19 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q460091
Multimedia: Mbundu people / Q460091