Friedrich II an Impalaeriezh Santel

Friedrich II hag e falc'hun. Diwar al levr *De arte venandi cum avibus* ("Diwar an arz da chaseal gant evned"), Biblioteca Apostolica Vaticana

Friedrich II an Impalaeriezh Santel e ditl, Friedrich von Hohenstaufen e anv, bet ganet e Jesi e-tal Ancona (Italia) d'ar 26 a viz Kerzu 1194 ha marvet d'an 13 a viz Kerzu 1250 e Castel Fiorentino, e-tal Lucera ha San Severo, a oa roue Sikilia, roue ar Romaned, Impalaer Santel ha roue Jeruzalem adalek 1220.

Buhez

Herri VI an Impalaeriezh Santel (1165-1197), impalaer santel ha roue Sikilia, e oa e dad ; Constanza Iañ Sikilia (1154-1198), merc'h da Ruggero II, roue Sikilia, e oa e vamm.

Bec'h en doe Friedrich hep distag gant ar bibien ha div wech e voe ezkumunuget. An Antekrist a veze graet anezhañ gant ar pab Gregor IX. Darempredoù mat en deveze gant ar Vuzulmaned, ha kas a reas da benn ar c'hwec'hvet kroaziadeg (1228-1229) hep brezeliñ, hag an eil den e voe oc'h adkemer lec'hioù santel ar Gristeniezh goude Godefroy de Bouillon e 1099.

Desket-bras e oa, c'hwec'h yezh a gomze : latin ha henc'hresianeg, sikilianeg, arabeg, normaneg hag alamaneg.

Skiantourien a bep bro a veze degemeret en e lez ; troet e oa gant ar jedoniezh hag an arzoù. Lakaat sevel kestell a rae diwar e raktresoù.

Dimezioù ha bugale

Peder gwech e timezas ha meur a serc'h en doe.

Constanza de Aragón y Castilla (war-dro 1179-1222), eured aozet gant ar pab Inosant III. Costanza a oa nevez intañvezet, ha tost da zek vloaz koshoc'h eget Friedrich e oa, pa ne oa-eñ nemet pemzek vloaz, pa voent dimezet e Messina d'ar 15 a viz Eost 1209.
Jolanda di Brienne (1212-1228), dimezet e Brindisi d'an 9 a viz Du 1225, oadet a 13 vloaz. Marvet e gwilioud.
Isabella Bro-Saoz, dimezet e Worms e miz Gouere 1235
Bianca Lancia pe Lanza (1213 - 1246), a voe e wir garantez moarvat ; serc'h adalek 1225, ha marteze dimezet e 1246

Priedoù pe serc'hed	Bugale
Constanza de Aragón y Castilla	Heinrich VII Germania (1211-1242)
Jolanda di Brienne	Margherita, marv-c'hanet e 1227 Konrad IV (1228-1254)
Isabella Bro-Saoz (1214-1241)^[1]	Margherita di Sicilia (1237-1270) Enrico Carlo Ottone d'Hohenstaufen (1238-1253) Jordanus, ur mab marv-c'hanet e 1236^[2] Agnes, ur verc'h varv-c'hanet e 1237^[2] Ur mab marvet e 1239 pe 1240^[3] Ur verc'h varv-c'hanet e 1241^[4]
Bianca Lancia	Costanza (Anna) (1230-1307)^[5] Manfredi (1232-1266)^[5] Violante (1233-1264)^[5]

Serc'hed	Bugale
Adelaide di Urslingen (war-dro 1195 - war-dro 1234)	Enzo (war-dro 1224-1272) Caterina (deiziadoù dianav)
Maria Antiochia	Federico di Antiochia (1222/1224-1256)
Dianav	Biancofiore di Svevia (1226-1279)
Richina di Wolfs'oden	Margherita di Svevia (1227-1298)
Dianav	Selvaggia di Staufen (1221/1223-1244)
Manna de Castanea	Riccardo di Teate (1224/1225-1249)
Dianav	Federico di Pettorano (1213 – goude 1240)
Dianav	Artensio di Pettorana (1240-1243)
Dianav	Gherardo (deiziadoù dianav)

Levrlennadur

(en) Everett Green, Mary Anne (1850) : Lives of the Princesses of England, from the Norman Conquest, Vol. 2, London, pp. 1–47.
(en) Norgate, Kate (1892) : Isabella (1214-1241) en Dictionary of National Biography Vol. 29. Smith, Elder & Co. pp. 62–63.
(en) Weir, Alison : Britain's Royal Family: The Complete Genealogy, Random House, 2011 (ISBN 978-1446449110).

Gwelit ivez

De arte venandi cum avibus

Notennoù

↑ Diasur e vezer diwar-benn diskennidi Isabella Bro-Saoz : lod a gont 3 bugel (Norgate, 1892), lod a gont 4 (Everett Green, 1820), lod all a gont 4 ivez met disheñvel (Weir, 2011).
1 2 Everett Green, 1820 ha Weir, 2011.
↑ Weir, 2011.
↑ Norgate, 1892.
1 2 3 Legitimatio per matrimonium subsequens, "reizhwiriet dre zimez diac'houde".

[1] Diasur e vezer diwar-benn diskennidi Isabella Bro-Saoz : lod a gont 3 bugel (Norgate, 1892), lod a gont 4 (Everett Green, 1820), lod all a gont 4 ivez met disheñvel (Weir, 2011).

[EGW-2] 1 2 Everett Green, 1820 ha Weir, 2011.

[3] Weir, 2011.

[4] Norgate, 1892.

[LMS-5] 1 2 3 Legitimatio per matrimonium subsequens, "reizhwiriet dre zimez diac'houde".

[1]

[2]

[3]

[4]

[5]