Proyeutu Perseus
| Proyeutu Perseus |
|---|
| biblioteca dixital |
 |
| Web oficial |
 |
El Proyeutu Perseus (n'inglés, Perseus Project), conocíu principalmente al traviés de la Perseus Digital Library, ye un proyectu de biblioteca dixital especializáu especialmente na cultura, historia y llingües del mundu griegu y romanu. Ta asitiáu nel Departamentu d'Estudios Clásicos de la Universidá Tufts, nos Estaos Xuníos.[1]
El proyectu empezó en 1987 baxo la direición de Gregory Crane y foi concebíu inicialmente como una coleición dixital de materiales dedicaos a la Grecia antigua. Cola espansión de la World Wide Web, los sos recursos pasaron a tar disponibles públicamente en llinia y el proyeutu amplió progresivamente'l so conteníu.
Perseus proporciona ediciones dixitales de testos en griegu antiguu y llatín, traducciones, diccionarios, comentarios, imáxenes, mapas y otros materiales. Los testos tán estructuraos de manera que permiten realizar busques y utilizar ferramientes d'analís morfolóxicu y léxicu, polo que'l recursu tien especial importancia pa la filoloxía clásica.
El proyectu incorporó tamién materiales d'otros periodos y árees, incluyendo documentos históricos y coleiciones rellacionaes cola cultura d'Estaos Xuníos. Perseus ye una iniciativa ensin ánimu d'arriquecimientu y recibió financiación de la National Endowment for the Humanities, la National Science Foundation, la Andrew W. Mellon Foundation y otres instituciones.[1]
Ver tamién
[editar | editar la fonte]Referencies
[editar | editar la fonte]- 1 2 «Perseus Digital Library» (inglés). Tufts University.
Enllaces esternos
[editar | editar la fonte]- Perseus Digital Library — sitiu oficial (n'inglés)
Datos: Q639661