26 e.C.

Añu 26 e.C.
	; Restos d'una construcción romana nel xacimientu de La Alcudia, onde s'allugaba l'antigua Ilici. Al rodiu d'esti añu completóse la conversión de la ciudá nuna colonia romana, conocida como Colonia Iulia Ilici Augusta.
Años:	29 e.C. 28 e.C. 27 e.C. - 26 e.C. - 25 e.C. 24 e.C. 23 e.C.
Décades:	Años 50 e.C. Años 40 e.C. Años 30 e.C. - Años 20 e.C. - Años 10 e.C. Años 0 e.C. Años 0
sieglos:	sieglu II e.C. - sieglu I e.C. - sieglu I

**26 e.C. n'otros calendarios**
Calendariu gregorianu	26 e.C. XXVI
Ab urbe condita	728
Calendariu armeniu	N/A
Calendariu chinu	2671 – 2672
Calendariu hebréu	3735 – 3736
Calendarios hindús - Vikram Samvat - Shaka Samvat	30 – 31 N/A
Calendariu persa	647 BP – 646 BP
Calendariu islámicu	667 BH – 666 BH
Calendariu rúnicu	225

Fechos

Nel marcu de les Guerres astur-cántabres, Augustu desplazóse personalmente a Hispania y establecióse en Segisama, actual Sasamón, pa dirixir les operaciones contra los cántabros y los astures. La campaña contra los cántabros tuvo al cargu de Gayus Antistiu Vetu, mentanto Publiu Carisiu actuó nel frente astur.^[1]
Tradicionalmente dátase nesti añu la fundación romana de Portus Victoriae Iuliobrigensium, nel cursu de les Guerres astur-cántabres. El puertu suel identificase cola actual Santander, anque la so localización exacta sigue siendo discutida y tamién se propunxo Santoña.^[2]
Al rodiu d'esti añu completóse'l procesu de constitución de la colonia romana de Colonia Iulia Ilici Augusta, sobre l'antigua Ilici, nel actual términu municipal d'Elx. La colonia recibió veteranos de les campañes romanes y convirtióse nun importante centru urbanu del sureste d'Hispania.^[3]
Augustu exerció'l consuláu per octava vegada, xunto con Titu Estatiliu Tauru, que lo exerció per segunda vegada.^[4]
Eliu Gallu, prefectu romanu d'Exiptu, entamó una espedición militar hacia l'Arabia Felix col oxetivu d'estender la influencia romana sobre'l sur de la península arábiga. La campaña acabó fracasando pola falta de suministros, les enfermedaes y les dificultaes del terrén.^[5]
Tirídates II invadió'l Imperiu parto y disputó'l tronu a Fraates IV, llegando a emitir moneda como rei durante la so ofensiva.^[6]

Gayus Corneliu Gallu (n. ca. 70 e.C.) - poeta, militar y políticu romanu, primer prefectu romanu d'Exiptu. Cayó en desgracia ante Augustu y suicidóse.^[7]

↑ Syme, Ronald (1934). «The Spanish War of Augustus (26–25 B.C.)». The American Journal of Philology 55 (4): páxs. 293–317.
↑ Cunchillos, María del Carmen (1998). «Santoña y los puertos de la Cantabria romana». Monte Buciero (2): páxs. 93–110.
↑ «Conjunto arqueológico de Ilici (La Alcudia, Elche)» (castellanu). Biblioteca Virtual Miguel de Cervantes.
↑ Dión Casio, Historia romana, LIII, 23.
↑ Estrabón, Xeografía, XVI, 4, 22–24.
↑ Dión Casio, Historia romana, LIII, 33.
↑ Dión Casio, Historia romana, LIII, 23.

Añu 26 e.C.
Restos d'una construcción romana nel xacimientu de La Alcudia, onde s'allugaba l'antigua Ilici. Al rodiu d'esti añu completóse la conversión de la ciudá nuna colonia romana, conocida como Colonia Iulia Ilici Augusta.
Años:	29 e.C. 28 e.C. 27 e.C. - 26 e.C. - 25 e.C. 24 e.C. 23 e.C.
Décades:	Años 50 e.C. Años 40 e.C. Años 30 e.C. - Años 20 e.C. - Años 10 e.C. Años 0 e.C. Años 0
sieglos:	sieglu II e.C. - sieglu I e.C. - sieglu I