Metodo cientifico
O metodo cientifico ye l'estudio sistematico, controlau, empirico y critico de proposicions hipoteticas sobre presuntas relacions entre diferents fenomenos naturals y ye o mecanismo emplegau en as ciencias experimentals ta convalidar u invalidar una teoría, por meyo d'a experimentación u d'a observación.
Son dos os pilars basicos d'o metodo cientifico. O primero d'éls ye la reproducibilidat, ye decir, a capacidat de repetir un determinau experimento en cualsiquier puesto y por cualsiquier persona. Iste pilar emplega ta la suya practica, esencialment, a comunicación y a publicidat d'os resultaus obtenius.
O segundo pilar ye la falsabilidat. Ye decir, que toda proposición cientifica ha de tener a posibilidat de ser falsada. Isto implica que se pueden disenyar experimentos que, en o caso de dar resultaus diferents a los previstos, negareban a hipotesi que s'ha posau a prueba.
En l'actualidat os resultaus d'a investigación cientifica son publicaus en revistas cientificas especializadas dimpués de criticas u comentarios d'atros espertos, correccions por parti d'os autors y encara verificación d'os experimentos por atros equipos d'investigación. A lo mesmo tiempo, ye encomenzando a estar usual que se publiquen en o rete (Internet) a lo tiempo que en as revistas cientificas.
O metodo cientifico s'adapta de trazas diferents seguntes a ciencia concreta. En Cheolochía historica no pueden fer experimentos porque o proceso ye mes largo que a vida d'o investigador, l'obchecto puet estar mes gran que cualsiquier laboratorio, y los procesos pasaus irrepetibles en as mesmas condicions. En cuenta de fer-se-ie experimentos se fa experiencia en os prencipios basicos, que permiten comparanzas con feitos actuals y experimentables.
Vinclos externos
[editar | modificar o codigo]
Se veigan as imáchens de Commons sobre lo mScientific method.
| Control d'autoridaz |
|
|---|
Datos: Q46857- Multimedia: Scientific method / Q46857